तीन राप्रपालाई एकीकरणको यस्तो दबाब




काठमाडौं :  कमल थापाले नेतृत्व गर्नुभएको राष्ट्रिय प्रजातन्त्र पार्टी, पशुपति शमशेर राणाले नेतृत्व गर्नुभएको राष्ट्रिय प्रजातन्त्र पार्टी (प्रजातान्त्रिक) र डा. प्रकाशचन्द्र लोहनीले नेतृत्व गर्नुभएको राष्ट्रिय प्रजातन्त्र पार्टी (राष्ट्रवादी)लाई पुनः एकीकृत गरी नेतृत्व नयाँ पुस्तालाई हस्तान्तरण गर्न गर्न तीनै पार्टीको दोस्रो तहका नेताहरूले दबाब दिन शुरू गरेका छन्।

तीनवटै पार्टीका शीर्ष नेतृत्वले पार्टी एकीकरण गर्ने र नयाँ पुस्तालाई नेतृत्व हस्तान्तरण गर्न आलटाल गरेमा तीनवटै पार्टीका असन्तुष्ट नेता तथा कार्यकर्ताले चौथो पार्टी गठन गर्नेदेखि अन्य पार्टीमा प्रवेश गर्नेसम्मको तयारीसमेत गरेका छन्। आजको नेपाल समाचारपत्रमा मुख्य खबर छ ।

यो पनि पढ्नुस् : माओवादी केन्द्र र मधेशी दलसहितको सरकार बनाउन एमालेको पहल

पार्टी एकीकरण गरी नयाँ पुस्तालाई नेतृत्व हस्तान्तरण गरेपछि पुराना नेताहरू सबै सल्लाहकारको भूमिकामा बस्नुपर्ने उनीहरूको माग छ।

पार्टी एकीकरण गर्न दबाब दिँदै दोस्रो पुस्ताका नेताहरूले तत्काल तीनवटै पार्टीको संयुक्त केन्द्रीय समिति तथा पदाधिकारीको संयुक्त बैठक राख्नुपर्ने र तीनवटै पार्टीको केन्द्रीय समिति, पदाधिकारी तथा जिल्ला सभापतिहरूको राष्ट्रिय भेला नबोलाए असन्तुष्ट पक्षले सातै प्रदेशमा प्रादेशिक भेलाको आयोजना गरी चौथो पार्टी खोल्ने अथवा अन्य पार्टीमा प्रवेश गर्ने भन्ने बारेमा निर्णय गर्ने बताएका छन्।

राप्रपाले आकस्मिक बैठक बोलायो

काठमाडौँ। राष्ट्रिय प्रजातन्त्र पार्टीले निर्वाचनको समीक्षा गर्न यही पुस १९ गते केन्द्रीय कार्यसमितिको आकस्मिक बैठक काठमाडौँमा बोलाएको छ।

यो पनि पढ्नुस् : कुलमानले भारत पुगेर गरे अर्को कमाल, अब हट्यो लोडसेडिङको त्रास

पार्टी अध्यक्ष कमल थापाको अध्यक्षतामा धुम्रबाराहीमा आज बसेको केन्द्रीय पदाधिकारी तथा मन्त्रीहरुको संयुक्त बैठकले फागुनको दोस्रो साता केन्द्रीय परिषद् बैठक गर्ने निर्णय गरेको प्रवक्ता भुवन पाठकले जानकारी दिए।

देशभरबाट १४१ केन्द्रीय सदस्य सहभागी हुने उक्त बैठकले वैचारिक, सांगठनिक दृष्टिकोणमाथि छलफल गरी भावी कार्यनीति तय गर्ने जनाइएको छ।

पुस २७ गते पृथ्वी जयन्ती तथा राष्ट्रिय एकता दिवस पार्टीले विविध कार्यक्रम गरी मनाउने निर्णयसमेत गरेको छ। पुस १४ गते स्व राजा वीरेन्द्रको बहुआयामिक व्यक्तित्वबारे काठमाडौँमा एक गोष्ठी पनि गरिने भएको छ।

Comments

comments