श्रीमानले सुनिताको मुखमा पिसाब गरेपछि…. पूरा पढ्नुहोला जिन्दगी यहि हो त?




एजेन्सी : छोरी तिमी सधैं माइती बसेर हुँदैन पराई घर जानुपर्छ ।’ म १० वर्षकै हुँदा बुबाले यसो भनेर बिहेका लागि यसरी फकाउनुभएको थियो । बुबाको कुराले चित्त दुखेर धेरै रोएकी थिएँ । धेरै पढेर राम्रो जागिर खाने रहर १२ वर्षमै बिहे भएर ‘पराई घर’ गएपछि तुहिएर गयो । ‘मारे पाप पाले पुण्य’ भनेर अग्निका अगाडि कसम खाएको लोग्नेले बिहेको एक वर्षदेखि रक्सी खाएर पिट्न थाल्यो ।

उ सरकारी कर्मचारी थियो । अफिस काठमाण्डुमा । हामी भैंसेपाटी बस्थ्यौं । हाम्रा दुई बच्चा भए । बच्चा जन्मिएपछि पनि लोग्नेको कुटाई नखाएको रात हुन्थेन । मलाई मात्र होइन, ती अवोध बच्चाहरुलाई समेत उसले खान दिँदैनथ्यो । एकदिन म बाहिर गएको मौका छोपेर उसले डेरामा ताल्चा ठोकेर हिँडेछ । काखमा ५ महिनाकी छोरी र २ वर्षे छोरा लिएर कामका लागि काठमाण्डुको हरेक गल्ली चहारे । स्वार्थी सहरमा कसैले दया देखाएन ।

माइती जाउँ झनै सम्भव थिएन । किनकी हाम्रो समाजमा ‘अर्काको घर गएकी छोरी’ का लागि माइतीको ढोका सधैंका लागि खुला हुन सक्ने थिएन । बिहे गरेर गएपछि माइती जानु पाहुना लाग्न जानुजस्तै हो । यो सोचेर काठमाण्डुमै संघर्ष गर्ने र छोराछोरी हुर्काउने निधो गरें । आमाको कमजोरी, नियती, बाध्यता वा धर्म के हो मलाई थाहा छैन । तर पुरुषले सजिलै बच्चा छाडेर हिंड्न सक्छ र पाउँछ । तर महिलाका लागि त्यस्तो छुट हुँदोरहेनछ ।

उसले छाडे पनि मैले बच्चा छाडेर हिँड्न सकिनँ । छोराछोरीको साँझ–बिहानको पेट भर्न डान्सबारमा काम गर्नपुगें । धादिङकी सानु मगरले डान्सबारमा यो स्तम्भकारसँग पोखेको पीडा हो यो । सानु भन्छिन्, ‘रातदिन रक्स्याहा लोग्नेको पिटाइबाट मेरो करङ भाँचिएको छ, शरीरमा निलडाम अझै छन् ।

सानुका १० र ११ वर्षको छोरी र छोरा छन् । उनीहरुलाई पाल्न डान्सबारमा काम गर्छिन् । सुरुमा पुतलीडकमा रहेको ताजमहल रेष्टुरेन्टमा काम गरेकी उनी अहिले ठमेलको एउडा बारमा डान्स गर्छिन् । यद्यपि उनलाई अहिले राम्रो नाँच्न आउँदैन । ‘तर म नाचीन भने मेरा छोराछोरी भोकै मर्छन्, तिनिहरुका लागि नजाने पनि नाच्नु मेरो बाध्यता हो ।

उनी नाचेरै तीन जना परिवारको गुजारा चलेको बताउँछिन् । ‘अहिले त छोराछोरी अलि ठूला भए । जब साना थिए मैले आमाको दूध खाने समयमा कोठामा थुनेर काममा जान्थें । घर फर्कंदा कहिले बाटाको पानी घोप्टाएर चिसोमा रोइरहेका हुन्थे, कहिले ओछ्यानमै दिसा पिसाब गरी त्यसैमाथि निदाएका हुन्थे’, सानुले ती दिनहरु सम्झिइन् । सानुले सरकारले सिलाइकटाई र ब्युटीसिएनको तालिम दिन्छ रे भन्ने सुनेकी छन् । ‘त्यसका लागि नागरिकता चाहिने रहेछ । मसँग नारिकता छैन । तालिम लिन पाए पछिलाई गरिखाने बाटो हुन्न्थ्यो’, सानुले आफ्नो पीडा सुनाइन् ।

सानु जस्तै राजधानीमा खुलेका अधिकांश डान्सबारमा कार्यरत धेरै युवती विवाहित छन् । उनीहरुका बालबच्चा छन् । कतिले अविवाहित भनी ढाँटेर काम गर्छन् । कतिले आफ्नो बास्तविकता खुलाएरै त्यस क्षेत्रमा काम गरेका छन् । केही वर्षअघिसम्म युवतीहरु काखे बच्चा च्यापेरै कार्यस्थल जान्थे । बच्चालाई एउटा कोठामा थुन्थे र आफू डान्सबार र क्याबिनमा काम गर्थे ।

त्यसरी काम गर्दा आमा र बच्चामा पर्ने मानसिक असरबारे सजिलै अनुमान लगाउन सकिन्छ । नुवाकोटको विकट गाउँकी सुनिता तामाङ (२८) को व्यथा पनि सानुको भन्दा फरक छैन । वर्षमा तीन महिना पनि खान नपुग्ने परिवारकी सुनितालाई बा आमाले ८ वर्षको उमेरमा ९ वर्षको केटासँग बिहे गरिदिए । बिहे लगत्तै बा आमाको निधन भयो ।

१२ वर्षको उमेरमा श्रीमानको घर छाडेर सुनिता माइत पुगिन । जहाँ दाजुले बस्न दिएनन् । अनि साथीहरुको लहलहैमा काठमाण्डु पसिन् । उनले चाबहिलमा ज्यामी काम गर्न थालिन । भन्छिन्, ‘सानी थिएँ, पैसा थोरै दिन्थे के गर्ने बाँच्नलाई जे पनि गर्नै पर्ने ।’ २ वर्ष काम गरेपछि सँगै काम गर्ने एक युवाले खुबै माया गर्न थाल्यो ।

बिहे गर्ने मन त थिएन, तर ज्यामी काम गरेर पनि जहिल्यै चिउरामा छाक टार्नुपर्ने भएपछि पेट पाल्नकै लागि फेरि बिहे गरिन् । बिहे गरेको एक वर्षपछि छोरा जन्मियो । ‘हामी केटी मान्छे त लोग्नेको कमारा रहेछौं, उनिहरुको इच्छामा नाच्नुपर्ने’, उनी भन्छिन् । सधैं रक्सी खाएर लोग्नेले कुट्दा ऐया भन्ने आँट पनि थिएन उनमा । घोप्टो परेर लात थापिराख्नु कष्टकर दैनिकी उनको थियो । कुटाइको त कुरै भएन ।

यतिसम्मकी श्रीमानले रक्सीको नशामा मुखमै पिसाब गरिदिन थाल्यो । सधैंको पीडा खप्नुभन्दा एक्लै बाँच्छु भन्ने सोचेर छोरा च्यापेर घरबाट हिँडिन सुनिता । एक्लै हुँदा त के खाउँ थियो । छोरा पनि थपिएपछि त कष्ट थपियो । बाध्य भएर साथीको सहयोगमा डान्सबाररमा काम गर्न थालिन् उनी । सानो छोरालाई कोठामा थुनेर सधैं काममा जानुपर्ने ।

छोरा रातभर रुँदै ओछ्यानमै दिसा पिसाब गरेर चिसोमै निदाउँथ्यो । ‘शरीर डान्सबारमा भएर के गर्नु मन डेरामा हुन्थ्यो छोरासँग’, उनी भन्छिन् । छोरालाई पढाएर ठूलो मान्छे बनाउँने सपना उनको छ । ‘आमाले गरेको दुःख सम्झेर उसले मलाई पाल्छ होला नि’, मन बुझाउँने बाटो थियो उनको छोरा । गाउँकी सोझी केटी । डान्सबारमा फिल्मको हिरोइन जसरी नक्कल पारेर ग्राहक खुसी पार्नुपर्ने ।

एक रात काममा गएकाबेला छोराले खाटबाट लडेर खुट्टा भाँचेछ । ‘ओरालो लागेको मृगलाई बाच्छाले पनि खेद्छ भनेको त्यही होला । काममा नजाऔं, बाँच्ने आधार छैन । जाऔं बिरामी छोराको हेरविचार गर्ने कोही छैन ।

एक वर्षसम्म छोरालाई जोरपाटीको हाडजोर्नी अस्पतालमा छाडेर काममा गइन् उनी । एक वर्षमा पनि भाँचिएको खुट्टा निको भएन । अहिले उसको खुट्टा चल्दैन । वैशाखीको भरमा भित्रबाहिर गर्छ । छोरा पढाएर ठूलो मान्छे बनाउने धोको पूरा भएन । सुनिता अहिले बहिनी ज्वाईँसँग बस्छिन् । एउटा साँघुरो कोठा छ । त्यसमा एउटा खाट । त्यसमै सबै जना खाँदिएर सुत्छन् ।

डान्सबारको कमाई महिनामा जम्मा ३५ सय । महिनाभरिको कमाइले खानसमेत पुग्दैन । छुट्टै कोठा लिएर बस्नु त परैको कुरा । ‘त्यसैले लाजै पचाएर बहिनीको डेरामा बसेकी छु’, सुनिता भन्छिन् । उमेर छँदासम्म त यो पेशा गरौँला तर उमेर ढल्केपछि के गरेर बाँच्ने भन्ने चिन्ताले उनलाई सताउँछ । सीपमुलक तालिम नागरिकता खोज्छन् । उनको नागरिका छैन । ‘मेरो त भएन, पछि छोराको कसरी कसरी नागरिकता बन्छ होला ?’ उनलाई चिन्ता छ ।

दमौलीकी मीना ठकुरीका तीन छोराछोरी छन् । बाबुआमाले १६ वर्षको उमेरमा ३५ वर्षको केटासँग बिहे गरिदिए । परिवार पाल्नकै लागि डान्बारमा काम गर्न पुगिन् । जुम्ल्याहा दुई छोरा छोरी र जेठो छोरासमेत गर्दा पाँच जनाको परिवार । श्रीमान केही काम नगर्ने । बाध्य भएर छोराछोरी पढाउन डान्सबारमा काम गर्न पुगिन् उनी पनि । ‘दूध खाने जुम्ल्याहा बच्चालाई कोठामा छाडेर काममा जान्थेँ, लोग्ने कता जान्थ्यो थाहा छैन ।

मनलागे घर आउँथ्यो नत्र बाहिरै रात बिताउँथ्यो । छोराछोरी पाल्ने ठेक्का आमाको मात्र हुनेरहेन । मैले सयौं पुरुषसँग नाटकीय शैलिमा नजिकिनु पर्यो, उनीहरुको ईशारमा नाच्नु पर्यो’, मीना भन्छिन् । मीनाका छोराछोरी ठूला भइसकेका छन् । छोराछोरीले नरमाइलो मान्लान् भन्ठानेर ‘अस्पतालमा रातिको काम गर्छु’ भनेकी छन् ।

थाहा पाए भने ‘छोराछोरीले आमाले डान्सबारबाट कमाएको पैसाले पढ्नुभन्दा नपढी बस्छौ’ भन्छन् कि भन्ने चिन्तामा उनी छिन् । छोराछोरी बुझ्ने भइसकेकाले उनीहरुले थाहा पाउनुभन्दा पहिल्यै सानो पसल खोलेर बस्ने विचार उनको छ । ‘उनीहरुकै राम्रोका लागि डान्सबारमा काम गरे पढाएँ, हुर्काएँ अहिले तिनैले यस्तो काम गरिस् भनेर धिक्कार्छन् कि भन्ने डर छ मलाई’, उनले भनिन् । श्रोत: अमेरिका नेपाल 

महिनावारी हुँदा कसरी यौन सम्पर्क गर्ने ? प्रत्येक पुरुषले ख्याल गर्नु पर्ने १० प्रयोगहरु

महिलाहरुको शरीरमा हुने नियमित जैविक प्रक्रिया हो मासिक श्राव । तर यो विषयमा थरिथरिका विचारहरु पाइन्छन् । परम्परागत हिन्दू धार्मिक मान्यताले महिनवारीको समयलाई अछूतका रुपमा व्यवहार गर्दछ । हिन्दूहरुका अनुसार, महिनावारी हुँदा महिलाको शरीरबाट फोहोर रगत निस्किने हुँदा उनी अशुद्ध हुन्छिन् । त्यसैले महिनाबारी हुँदा महिलालाई खाना पकाउन नदिने, पूजाआजामा सहभागी हुन नपाइने, अरुसँग नछोइकन बस्नुपर्ने नियम बनाइएका छन् ।

तर समयक्रम परिवर्तन हुँदै जाँदा यो प्रक्रियालाई सामान्य नियमित जैविकीय अवस्थामा लिएर महिलाहरुलाई महिनावरी भएकै कारण गरिने छुवाछूतलाई अस्वीकार गर्ने मान्यता र संस्कारको विकास हुँदै गएको छ।महिनावारी हुँदा शरीरबाट फोहोर रगत निस्किन्छ तर उचित सरसफाई गर्ने हो भने महिलासँग कुनै किसिमले छुवाछूत हुनुहुँदैन भनेर सामान्य व्यवहार गर्ने चलन बढ्दै गएको हो । चिकित्सा विज्ञानले महिनावारीलाई सामान्य अवस्था मान्दछ । सरसफाईमा विशेष ध्यान दिने भने आग्रह गर्दछ विज्ञानले ।

तर महिलालाई टाढै राख्नुपर्ने, यसलाई अनौठौ र अशुद्ध अवस्थाका रुपमा हेर्न नहुनेमा सबैले जोड दिएका हुन्छन् ।।तर यौनसम्पर्कको बारेमा नि ? यहाँ पनि थरिथरिका गलत र भ्रामक धारणाहरु फैलिएका हुन्छन् । कतिपयले महिनावारीमा यौनसम्पर्कको कुरा गर्दा छिः छिः भन्ने गर्दछन् भने कतिपये यसलाई सामान्य अर्थमा लिन्छन् । महिनाबारीमा सेक्स गर्ने कि नगर्ने त ? हिन्दू मान्यताले त महिलालाई छुनै नहुने भन्छ त्यसैले त्यो आधारमा हामीले कुरा गर्दैनौं तर स्वास्थ्यविज्ञानले भने यस्तो अवस्थामा पनि यौनसम्पर्क गर्न सकिने बताउँछ ।

मुख्य कुरा सरसफाईको भएकोले त्यसमा ध्यान दिने हो भने सेक्स गर्न महिनावारीले नछेक्ने स्वास्थ्यविज्ञानले बताउँछ । आउनुस् महिनावारी सेक्सका बारेमा केही तथ्यहरु थाहा पाऔं ।

१. महिनाबारी हुँदा सेक्स गर्न सकिन्छ तर यसका लागि कण्डमको प्रयोग अनिवार्य गर्नुपर्छ । योनीको कोमलता बढ्ने र पुरुषको लिंगको घर्षणले संक्रमणको सम्भावना हुने भएकोले कण्डमको प्रयोग गर्दा सुरक्षित सेक्स गर्न सकिन्छ । मासिकश्रावको बेला बग्ने रगत खराब हो, यसले हानी गर्छ भनेर डराउनु पर्दैन ।यदि पुरुष र महिलामा कुनै यौनरोग छैन भने यसले फरक पार्दैन । तर यदि पुरुष या महिलाको यौनांगमा घाउ, खटिरा छ, घाउ छ या कुनै किसिमको यौनरोग छ भने यो निकै छिटो सर्न सक्छ । त्यसैले यो कुरामा विशेष ध्यान दिनुपर्दछ ।

२. महिनाबारीको बेला हुने सम्भोगबाट गर्भ रहने सम्भावना निकै कम हुन्छ । केही अवस्थामा भने महिनाबारी भएको बेला पनि गर्भ रहन सक्ने सम्भावना हुन्छ । खासगरी महिलाको योनीभित्र छिरेको विर्यमा भएका शुक्रकिट केही दिन बाँच्ने भएकाले र अनियमित महिनाबारी हुने महिलामा गर्भ रहन पनि सक्छ । तर यो सम्भावना निकै न्यून हुन्छ ।

३. यदि यौनसम्पर्क गर्दा लिंगमा रगत लागेमा डराउनु पर्दैन । तपाई घिनाउनु भएन र रगतलाई राम्रोसँग सरसफाई गर्नुभयो भने यसले हानी गर्दैन ।

४. महिनाबारीको बेला सम्भोग गर्दा पाठेघरमा असर पर्छ भन्ने मान्यता गलत हो ।

महिनाबारीका बेला पाठेघरको मुख खुला हुने र लिंग पाठेघरभित्रै छिरेर हानी पूराउँछ भन्ने आम धारणा छ तर त्यस्तो हुँदैन । लिंग पाठेघरको मुखसम्म पुग्ने र निकै साँघुरो मुखबाट छिर्ने सम्भावना हुँदैन ।

५. महिनाबारीको बेला यौन सम्पर्क राख्ने महिलामा रगत बग्ने क्रम छिटै रोकिन्छ भन्ने कुरा गलत हो । सम्भोगका बेला पाठेघर खुम्चिन्छ, जसका कारण एकैचोटीमा धेरै रगत बाहिर निस्किने हुनसक्छ । यसो गर्दा अरु बेला जस्तो पछिल्लो रगत अलि समयपछि आउन सक्छ । तर यो सामान्य हो ।

६. रजस्वलाका बेला यौन सम्पर्क गर्ने महिलामा दुखाइ कम हुन्छ । यसका धेरै कारण हुन सक्छन्, पहिलो चरमोत्कर्षका बेला सरिरले छाड्ने हर्मोनले दुखाइ कम गर्ने औषधिको काम गर्छ र दोश्रो दुखाइ महसुस गराउने रसायन सम्भोगका बेला उपयोग हुने भएकाले त्यसपछि तल्लो पेट दुख्न कम हुन्छ ।

७. यौनसम्पर्क र्दा उभिएर या हलुका किसिमले पेटलाई बढी नथिच्ने किसिमले सेक्स गर्दा राम्रो हुन्छ । तर पुरुषले महिलालाई इच्छा छैन भने जबर्जस्ती भने गर्नु हुँदैन ।

८. यसका साथै रगत बग्ने सम्भावना भएकोले पहिला नै रगत पुछ्ने कपडा या नेपकिन राखिराख्दा राम्रो कतिपय महिलाहरुले कपको पनि प्रयोग गर्दछन

९. रजस्वला भएका बेला मुखमैथुन गर्न मन लागे त्यो तपाईमा भर पर्छ । सकेसम्म यस्तो नगर्दा राम्रो । किनभने रजस्वलाको बेला रगत मुखमा लाग्न सक्छ । अर्को कुरा दांत या गिजामा कुनै संक्रमण भए त्यो सर्न सक्छ । तर तपाईले मुख मैथुन नगरी नहुने प्रण गर्नुभएको छ भने डेन्टल डामको प्रयोग गर्न सक्नुहुन्छ । तर हामी तपाईलाई सकेसम्म मुख मैथुन नगर्न सल्लाह दिन्छौं ।

Comments

comments