छोराको अन्तिम संस्कार गर्दागर्दै पिताको मृत्यु, केहीबेरमै आमाको पनि गयो ज्यान




काठमाडौं, फागुन २० : छोराको मृत्यु भएपछि उनको अन्तिम संस्कार भइरहँदा पिताको पनि ज्यान गयो । लगत्तै केही बेरमै आमाको पनि ज्यान गएपछि पूरै गाउँ शोकमग्न बनेको छ । होलीको अवसरमा पूरै गाउँ होलीका दहनको उत्सव मनाइरहँदा अचानक यस्तो दुर्घटना भएको हो । दुर्घटनाले पूरै गाउँ शोकमग्न छ । अनाथ भएका दुई छोरीको रोएरै बेहाल भएको छ ।

हिजो होलीको अवसरमा भारतको उत्तर प्रदेशको अमेठीको हसनपुर गाउँमा होलिका दहनको उत्सव थियो । होलिकाको चीर जलाउँदै गर्दा आगो अचानक घरमा सल्किएपछि घरमा आमाबाबु र छोरा जलेका थिए । जलेर छोरा अर्जुनको मृत्यु भएपछि गाउँलेले उनको अन्तिम संस्कार गर्ने तयारी गर्दै गर्दा पिता रामनेवाजको पनि मृत्यु भयो । लगत्तै केही बेरमै आमा कलावतीको पनि मृत्यु भएको छ ।

आगो लागेपछि गाउँलेले तत्कालै दमकललाई खबर गरेको भए पनि समयमै दमकल पुग्न नसक्दा ठूलो दुर्घटना भएको बताइएको छ । घरमा खाना बनाउँदै गर्दा आगो लागेको थियो । दमकल आउन निकै ढिलो गरेको र आएपछि पनि दमकलको प्रेसर इन्जिन फेल भएका कारण आगो निभाउन नसकिएको बताइएको छ ।

Comments

comments