नेइमार बिनाको पीएसजीलाई रियल मड्रिडले हरायो




पेरिस, फागुन २३ । फ्रेन्च क्लब पेरीस सेन्ट जर्मेन (पिएसजी) लाई ५–२ ले हराउँदै रियल मड्रिड च्याम्पियन्स लिगको क्वार्टर फाइनलमा पुगेको छ । रियलको जितमा रोनाल्डो र कासिमिरोले दोस्रो हाफमा १–१ गोल गर्दा गरे ।

१० खेलाडीमा सिमित पिएसजीका लागि एडिनसन काभानीले एक गोल फर्काए । दोस्रो लेगको जितसँगै रियलले पिएसजीमाथि समग्रमा ५ – २ को जित निकाल्दै अन्तिम आठमा स्थानमा बनाएको हो । रियलले घरेलु मैदानमा भएको पहिलो लेगमा ३ – १ को जित निकालेको थियो । 

१० खेलाडी भएको फाइदा उठाउँदै ८० औँ मिनेटमा कास्मेइरोले रियलका लागि दोस्रो गोल गरेपछि खेलमा २-१को अग्रता लियो। त्यसपछि खेलमा कुनै तर्फबाट गोल भएन र रियल दोस्रो लेगमा पनि विजयी हुँदै सहज रुपमा अन्तिम ८ मा स्थान बनाउन सफल भयो।

घरेलु लिगमा लगभग उपाधि नजिक रहेको पिएसजी च्याम्पियन्स लिगमा भने कमजोर देखियो। रियल भने ला लिगामा तेस्रो स्थानमा छ, साबिक विजेता रियल शीर्ष स्थानको बार्सिलोना भन्दा १२ अंकले पछि रहेको छ ।

कोपा डेल रेको क्वाटरफाइनलबाटै बाहिरीएको रियल मड्रिडको यो सिजन उपाधि आश अब च्याम्पियन्स लिग फुटबलमा मात्रै अडिएको छ ।

Comments

comments