जावेद अहमदी र रहमत शाह क्रिजमा जमे पछि नेपाललाई हारको खतरा




काठमाडौं, फागुन २६ : विश्वकप छनोट क्रिकेट अन्तर्गत नेपालले दिएको १९५ अफगानिस्तानले राम्रो सुरुवात गरेको छ । खेलको छैटौं अोभरमा नै रसिद खानलाई २१ रनमा गुमाएको अफगानिस्तानलाई जावेद अहमदी र रहमत शाहले मजबुद स्थानमा पुर्याएका छन् । उनिहरु बिच अहिले ६० रन भन्दा धेरैको साझेदारी भएको छ ।

ताजा अवस्थामा जावेद अहमदी २६ र रहमत शाह ४३ रन बनाएर खेलिरहेका छन् ।

यसअघि अफगानिस्तानसामु नेपालले १ सय ९५ रनको लक्ष्य प्रस्तुत गरेको थियो । टस जितेर पहिलो ब्याटिङमा उत्रिएको नेपालले सबै विकेट गुमाउँदै एक सय ९४ रन बनाएको थियो । नेपालका लागि कप्तान पारस खड्काले शानदार ब्याटिंग गर्दै ७५ रन बनाएका थिए । लिस्ट ए क्रिकेटमा पारसको यो ८ औं अर्धशतक हो ।

नेपाली इनिङ्समा दीपेन्द्र सिंह ऐरीले ३२ तथा ज्ञानेन्द्र मल्ल र आरिफ शेखले २३-२३ रन जोडे। अन्य खेलाडीले दोहोरो अंक छुन सकेनन्। ओपनर अनिल शाह ७, रोहित कुमार पौडेल १, सोमपाल कामी ९ तथा करण केसी ६ रन बनाएर आउट हुँदा बसन्त रेग्मी ९ रनमा नटआउट रहे। सन्दीप लामिछाने र ललित राजवंशीले खाताख खोल्न सकेनन्।

नेपाली ब्याट्सम्यानलाई रोक्ने क्रममा अफगानिस्तानका मोहम्मद नावीले ४ विकेट लिए भने राशिद खानले ३ तथा शपुद जद्रानले समेत २ विकेट लिएका थिए ।

नेपाल : पारस खड्का (कप्तान), ज्ञानेन्द्र मल्ल, दीपेन्द्रसिंह ऐरी, शक्तिप्रसाद गौचन, बसन्त रेग्मी, शरद भेषावकर, सोमपाल कामी, करण केसी, आरिफ शेख, सन्दीप लामिछाने, दिलीप नाथ, ललित भण्डारी, अनिलकुमार साह, रोहितकुमार पौडेल र ललितनारायण राजवंशी

अफगानिस्तान : असगर स्टेनिकज़ाई (कप्तान), डावलत जदरान, गुलबदीन नाइब, इहसानुल्ला जानत, मोहम्मद नबी, मोहम्मद शहजाद, नासिर जमाल, जावेद अहमदी, मुजीब रहमान, नजीबुल्लाह ज़द्रन, रहमत शाह, रशीद खान, सामील्ला शिनवारी, शाहपुर जडरान और शारफुद्दीन अशरफ फिल सिमंस (कोच)

Comments

comments