खेलमा फर्कियो नेपाल , दिपेन्द्र सिह एेरिले दिलाए तेस्रो सफलता




काठमाडौं, फागुन २६ : विश्वकप छनोट क्रिकेट अन्तर्गत नेपालले दिएको १९५ अफगानिस्तानलाई तेस्रो झड्का लागेको छ । खेलको २६ अोभरमा दिपेन्द्र सिह एेरिले रहमत शाहलाई ४६ रनमा अाउट गरि नेपाललाई तेस्रो सफलता दिलाएका हुन् ।

यसअघि अफगानिस्तानसामु नेपालले १ सय ९५ रनको लक्ष्य प्रस्तुत गरेको थियो । टस जितेर पहिलो ब्याटिङमा उत्रिएको नेपालले सबै विकेट गुमाउँदै एक सय ९४ रन बनाएको थियो । नेपालका लागि कप्तान पारस खड्काले शानदार ब्याटिंग गर्दै ७५ रन बनाएका थिए । लिस्ट ए क्रिकेटमा पारसको यो ८ औं अर्धशतक हो ।

नेपाली इनिङ्समा दीपेन्द्र सिंह ऐरीले ३२ तथा ज्ञानेन्द्र मल्ल र आरिफ शेखले २३-२३ रन जोडे। अन्य खेलाडीले दोहोरो अंक छुन सकेनन्। ओपनर अनिल शाह ७, रोहित कुमार पौडेल १, सोमपाल कामी ९ तथा करण केसी ६ रन बनाएर आउट हुँदा बसन्त रेग्मी ९ रनमा नटआउट रहे। सन्दीप लामिछाने र ललित राजवंशीले खाताख खोल्न सकेनन्।

नेपाली ब्याट्सम्यानलाई रोक्ने क्रममा अफगानिस्तानका मोहम्मद नावीले ४ विकेट लिए भने राशिद खानले ३ तथा शपुद जद्रानले समेत २ विकेट लिएका थिए ।

प्रतियोगिताकै प्रमूख दाबेदारको रुपमा लिइएको अफगानिस्तान लगतार तीन हारपछि प्रतियोगिताबाट लगभग बाहिरिइसकेको छ । पहिलो खेलमा स्कटल्यान्डलाई ७ विकेटको नतिजा सुम्पिएको अफगानिस्तानले दोस्रो खेलमा जिम्बाब्वेलाई २ रन र तेस्रो खेलमा डकवर्थ लुइस पद्धतीमा हङकङलाई ३० रनको नतिजा सुम्पिएको थियो।

त्यसैले अफगानिस्तान पनि नेपाललाई पराजित गर्दै गणितीय रुपमा भए पनि सुपर सिक्स प्रवेश सम्भावना जीवित राख्न चाहन्छ । तर अफगानिस्तानलाई नेपालविरुद्धको जितमात्र पनि पर्याप्त नबन्न सक्छ । यस्तोमा अफगानिस्तानले नेपालविरुद्ध भारी अन्तरको जितका साथ अन्तिम खेलमा नेपालले हङकङलाई भारी अन्तरले पराजित गरेको देख्न पाउनु पर्छ । हङकङ, नेपाल र अफगानिस्तानले एक–एक खेल जिते रनरेटले सुपर सिक्समा पुग्ने अन्तिम टोलीको टुंगो लाग्नेछ।

शनिबार हुने समूह ‘बी’ को अर्र्काे खेलमा जिम्बाब्वेले हङकङसँग प्रतिस्पर्धा गर्दा समूह ‘ए’ मा नेदरल्यान्ड्सले पपुवान्युगिनी र वेस्ट इन्डिजले आयरल्यान्डसँग खेल्नेछन्।

नेपाल भर्सेस अफगानिस्तान

स्थान : बुलावायो एथलेटिक, बुलावायो, जिम्बावे
प्रतिस्पर्धा : एकदिवसीय विश्वकप छनोट, म्याच १६
मिति : फागुन २६ गते शनिबार, दिउँसो : १:१५ बजे

नेपाल : पारस खड्का (कप्तान), ज्ञानेन्द्र मल्ल, दीपेन्द्रसिंह ऐरी, शक्तिप्रसाद गौचन, बसन्त रेग्मी, शरद भेषावकर, सोमपाल कामी, करण केसी, आरिफ शेख, सन्दीप लामिछाने, दिलीप नाथ, ललित भण्डारी, अनिलकुमार साह, रोहितकुमार पौडेल र ललितनारायण राजवंशी

अफगानिस्तान : असगर स्टेनिकज़ाई (कप्तान), डावलत जदरान, गुलबदीन नाइब, इहसानुल्ला जानत, मोहम्मद नबी, मोहम्मद शहजाद, नासिर जमाल, जावेद अहमदी, मुजीब रहमान, नजीबुल्लाह ज़द्रन, रहमत शाह, रशीद खान, सामील्ला शिनवारी, शाहपुर जडरान और शारफुद्दीन अशरफ फिल सिमंस (कोच)

Comments

comments