नेपालले हङकङलाई हराउदा अफगानिस्तानलाई यति ठूलो फाईदा




काठमाडौं : आइसीसी विश्वकप छनोटअन्तर्गत समूह चरणको अन्तिम खेलमा नेपालले हङकङमाथि जित निकालेको छ।
जिम्बाव्बेको बुलाबायोस्थित एथ्लेटिक मैदानमा १५४ रनको विजय लक्ष्य पछ्याएको नेपालले हङकङविरुद्ध ५ विकेटले विजयी भएको हो।

खेलमा टस जितेर पहिले व्याटिङ गरेको हङकङले ४८.२ ओभरमा सबै विकेट गुमाउँदै १५३ रन बनायो। १५४ रनको विजयी लक्ष्यसहित जवाफी व्याटिङ गरेको नेपालले ४०.४ ओभरमा १५५ रन बनाउँदै पुरा गर्यो।

खेलमा नेपालको सुरुवात खराब रहेपछि रोहित पौडेल र सोमपाल कामीले अन्तिमसम्म टिकेर खेले। पौडेलले ८७ बलमा ५ चौकासहित सर्वाधिक ४८ रनमा अविजित रहे। त्यस्तै, ४० बल खेलेका सोमपाल ५ चौकासहित ३७ रनमा अविजित रहे।

दिपेन्द्र ऐरी १२ रन, पारस खड्का ११ रनमा, ज्ञानेन्द्र मल्ल १२, अनिल शाह २६ रनमा समेटिँदा आरिफ शेख २ रनमा आउट भए।नेपालको जितले अफगानिस्तान भाग्यमानी बनेको छ।

नेपाल, अफगानिस्तान र हङकङको समान २ अंक भएपनि रनरेटमा अगाडी रहदै तेस्रो बनेको अफगानिस्तान सुपर सिक्स प्रवेश गर्न सफल भएको छ। यसअघि नै समूह बी बाट घरेलु टोली जिम्बावे र स्कटल्याण्ड सुपर सिक्स पुगिसकेका छन्। क्वालिफायरमा पहिलो जित हात पारेको नेपाल समूह्य बी मा चौथो हुँदा हङकङ पाँचौ भएको छ।

अब नेपालले प्लेअफको पहिलो खेलमा समूह ए मा पाँचौ भएको पपुवा न्यू गिनीसाग खेल्नेछ। त्यसमा जित हात पारे सातौँ स्थानको लागि प्लेअफ खेल्न पाउनेछ। यस्तै समूह बी मा पाँचौ भएको हङकङले समूह ए मा चौथो हुने टोलीसँग खेल्नेछ।

अर्को समूहमा युएई र नेदरल्याण्ड्स मध्ये ए टोली चौथो हुनेछ। वेष्ट इन्डिसँग पराजित भए नेदरल्याण्ड्स चौथो हुनेछ र हङकङसँग खेल्नेछ।

यस्तो भएमा नेदरल्याण्ड्सले प्लेअफमा हङकङलाई हराए नेपालले पपुवा न्यूगिनीलाई पराजित गरे मात्र पनि वान डे स्ट्याटस पाउनेछ। नेपालको अर्को खेल बिहीवार हुनेछ।

Comments

comments