​विमान दुर्घटना : तीन दिनअघि ‘ह्याभ अ सेफ जर्नी’, आज ‘रिप’ !




काठमाडौं : आगन्तुक ट्राभल्समा कार्यरत सजना देवकोटाले ३ दिनअघि ‘ट्राभलिङ टू बंगलादेश भनेर स्टाटस लेखिन् । प्रतिक्रियामा उनका साथी र शुभचिन्तकहरूले ‘ह्याभ अ सेफ जर्नी’ (शुभयात्रा) लेखेर सुरक्षितरूपमा पुग्नु भन्ने कामना गरे ।

त्यसको भोलिपल्ट उनले कार्यक्रममा सहभागी हुन जाँदै गरेको तस्वीर पनि राखिन् । युएस बंगला एयरलाइन्सको अवार्ड कार्यक्रममा सहभागी हुन कक्स बजार बंगलादेशमा रहेको भन्दै उनले समूहमा रहेको तस्वीर राखेकी थिइन् ।

बंगलादेशबाट तीन दिनपछि नेपाल फर्किने क्रममा उनी चढेको विमान त्रिभुवन अन्तर्राष्ट्रिय विमानस्थलमा दुर्घटनामा पर्यो । प्रहरीका अनुसार उनको मृत्यु भइसकेको छ । तीन दिनअघि शुभयात्रा लेखेका शुभचिन्तकहरूले त्यही पोस्टमा पुगेर श्रद्धाञ्जली व्यक्त गरिरहेका छन् । उनको सोही स्टाटसमा रिप लेखेर धेरै उनको आत्माको चीर शान्तिको कामना गरेका छन् ।

Comments

comments