हङकङ बिरुद्ध शानदार पारी खेल्ने रोहित पौडेल बने “म्यान अफ द म्याच”




काठमाडौं : आइसीसी विश्वकप छनोटअन्तर्गत समूह चरणको अन्तिम खेलमा नेपालले हङकङमाथि ५ विकेटको जित निकालेको छ। यो महत्वपूर्ण जितसंगै नेपाल अब एक दिवशीय खेलका लागि मान्यता पाउने बाटोमा लागेको छ ।

यो पनि पढ्नुस् : नेपालले हङकङलाई ५ विकेटले हरायो , अब नेपालले कसरी वनडे मान्यता पाउछ त ?

जिम्बाव्बेको बुलाबायोस्थित एथ्लेटिक मैदानमा १५४ रनको विजय लक्ष्य पछ्याएको नेपालले ४०.४ ओभरमा ५ विकेट गुमाए लक्ष्य पूरा गर्‍यो। नेपालका लागि रोहितकुमार पौडेलले शानदार खेल प्रदर्शन गर्दै पाँच चौकाको सहयोगमा ४८ रन बनाएका थिए । त्यस्तै सोमपाल कामीले ४० रनको सामना गर्दै ५ चौकाको सहयोगमा ३७ रन बनाएका थिए ।खेलमा महत्त्वपूर्ण पारी खेल्ने रोहित कुमार पौडेल म्यान अफ द म्याच घोषित भएका छन् ।

शीर्ष क्रममा व्याट्सम्यानहरु सस्तोमा बाहिरिएपछि पौडेल र कामीले टोलीलाई बचाउदै जित सम्भव तुल्याएका थिए । नेपालका लागि कप्तान पारस खड्काले ११ रन बनाउँदा , ज्ञानेन्द्र मल्लले १२ ,अनिलकुमार साहले २६ , दीपेन्द्र सिंह ऐरीले १२ र आरिफ शेखले २ रन बनाएका थिए ।

यो पनि पढ्नुस् : नेपालले हङकङलाई हराउदा अफगानिस्तानलाई यति ठूलो फाईदा

यसअघि टस जितेर व्याटिङ गरेको हङकङले ४८.२ ओभरमा आफ्ना सबै विकेट गुमाउँदै १ सय ५३ रन बनाएको थियो । नेपालका बलरहरु सामुन्ने हङकङका ब्याट्सम्यानहरु एकपछि अर्को गर्दै निरीह साबित भए पनि हङकङका निजाकत खानले ४ चौका र एक छक्काको मद्दतले सर्वाधिक ४७ रनको जुझारु पारी खेलेका थिए ।

यस्तै एहसान खानले २५, कप्तान बाबर हायतले २०, एहसान नवाजले १३ तथा तनविर अफजलले १० रन जोडे। बाँकी खेलाडीले दोहोरो अंक छुन सकेनन्। नेपालका सन्दिप लामिछानेले सर्वाधिक ३ विकेट लिए। करण केसी र बसन्त रेग्मीले समान २ विकेट लिए। सोमपाल कामी र ललित राजवंशीले समान १ विकेट लिए। खेलमा रोहितकुमार पौडेल म्यान अफ द म्याच भए।

Comments

comments