फेरी नेपाल फर्किएन् शरद, प्रेगनेन्ट पत्नीलाई भेट्न अमेरिका तिर लागे




काठमाडौं : नेपाललाई अन्तर्राष्ट्रिय एक दिवसीय मान्यता दिलाएर घर फर्केका नेपाली क्रिकेट टोलीलाई त्रिभुवन अन्तराष्ट्रिय विमानस्थलमा भव्य स्वागत गरिएको छ । जिम्बाबेमा सम्पन्न आईसीसी विश्वकप छनौट खेलमा एक दिवसीय मान्यता पाएर फर्केको टोलीलाई विमानस्थलमा स्वागत गरीएको हो । क्रिकेट टोलीलाई युवा तथा खेलकुदमन्त्री जगतबहादुर विश्वकर्मा तथा राष्ट्रिय खेलकुद परिषदका सदस्य सचिव केशवकुमार विष्टले स्वागत गरेका हुन् ।

यो पनि हेर्नुस् : विमान स्थलमा यसरी गरियो नेपाली क्रिकेट टिमको स्वागत ( भिडियो सहित )

खेलाडीलाई स्वागत गर्न सयौँ समर्थकहरु विमानस्थल पुगेका थिए । उनीहरुले क्रिकेट टिमको प्रसंसा गर्दै नाराबाजी समेत गरे । नेपाली क्रिकेट टोली स्वदेश फर्किदा टोलीका सदस्य शरद भेषावकर भने अमेरिका गएका छन् । दुबईसम्म नेपाली टोलीसँगै आएका उनी त्यसपछि अमेरिकातर्फ गए ।

गर्भवती रहेकी उनकी पत्नी निशा अधिकारी अमेरिकामा रहेकाले उनलाई भेट्न शरद अमेरिका गएका हुन् । यसअघि पनि नामिबियामा भएको डिभिजन टु लगत्तै उनी अमेरिमा गएका थिए । अमेरिकाबाटै उनी बिश्वकप छनोट खेल्न जिम्बावे पुगेका थिए । बिश्वकप छनोटमा उनले बिरामी भएको कारण सुरुवातका दुई खेल मात्र खेले । नेपाली टोली जिम्बाब्बेको हरारेबाट युएई हुँदै काठमाडौ आएको हो ।

यो पनि हेर्नुस् : क्रिकेट टिमको स्वगतमा फ्यानले लाए यस्तो नारा जसको कारण दुनियाँ हैरान

आईसीसी छनौटको समूह चरणमा हङकङलाई पराजित गरेको नेपालले प्ले अफमा पपुवा न्युगिनीलाई पराजित गर्दै एकदिवसीय मान्यता पाएको थियो । अन्तराष्ट्रिय क्रिकेट खेल्न थालेको २२ वर्षपछि क्रिकेटले हात पारेको यो सबैभन्दा ठूलो सफलता हो । टोली जिम्माबेको हरारेबाट युएई हुँदै काठमाडौ आएको हो ।

Comments

comments