एलक्लासिको भिडन्तमा बार्सिलोना र रियल मड्रिडको बराबरी , मेसि र रोनाल्डोले गरे १/१ गोल




एजेन्सी । स्पेनिश लालिगा फुटबलअन्र्तगत एलक्लासिको भिडन्तमा बार्सिलोना र रियल मड्रिडले २–२ को बराबरी खेल्दै अंक बाँडेका छन् । १० औँ मिनेटमा लुईस स्वारेजको गोलमार्फत बार्साले अग्रता बनाएको थियो । त्यसको ४ मिनेटलगत्तै क्रिष्टियानो रोनाल्डोले गोल गर्दै खेल बराबरीमा पुर्याए ।

पहिलो हाफको अत्तिरिक्त समयमा सर्जि रोबर्टो, रातो कार्ड खाँदै मैदानबाट बाहिरिएपछि दोस्रो हाफमा बार्सा १० खेलाडीमा सिमित भएको थियो । ५२ औँ मिनेटमा लियोनल मेसीले गोल गर्दै बार्सालाई २–१ को अबस्थामा पुर्‍याएका थिए । समान पोजिशनको खेलमा रियलले ७२ औँ मिनेटमा गोल गर्दै खेल २–२ को बराबरीमा पुर्‍याएको थियो । गारेथ बेलले बराबरी गोल गरे । त्यसपछि पनि पाएका अवसर दुबै टोलीले सदुपयोग गर्न नसक्दा खेल बराबरीमा सकिएको हो ।

जारी सिजनको ला लिगामा बार्साको यो ९ औँ बराबरी हो । यसअघि नै ला लिगाको उपाधि जितिसकेको बार्साको ३५ खेलबाट २६ मा जित र ९ बराबरीसंगै ८७ अंक छ । समान खेलबाट रियल ७२ अंकका साथ तालिकाको तेस्रो स्थानमा छ । गएरातीका अन्य खेलहरुमा डिपोर्टिभो अलाभेषले मालागालाई ३–० गोल अन्तरले पराजित गर्यो । एट्लेटिको मड्रिड स्पानियोलसँग २–० ले स्तब्ध हुँदा गेटाफेले लास पाल्मासलाई १–० ले पराजित गर्यो ।

Comments

comments