प्रेममा अन्धाे बनेपछि जब एउटै प्रेमीसँग भागे दुईजना युवती




एजेन्सी : प्रेममा मान्छे अन्धो हुन्छ भन्ने कुरा त हामीले सुनेकौ छौँ तर एउटा घटनाले यसको यथार्थता देखाएको छ । प्रेममा अन्धो भएका दुईजना युवतीहरु एउटै प्रेमीसँग भाग्न तयार भए । यो मामिलाको खुलासा तब मात्र भयो, जब त्यो प्रेमीले केही समयको मस्तीपछि दुईमध्ये एक प्रेमिकालाई रेलभित्रै छाडिदियो । अनि रेलभित्रै एउटा अनौठो त्रिकोणीय प्रेमकहानीको अन्त्य भयो ।

यो अनौठो घटना भारतको छत्तीसगढको हो । छत्तीसगढको रायगढमा बस्ने एकजना युवकले एकसाथ दुईजना युवतीलाई आफ्नो प्रेमजालमा फसायो र दुवैलाई आफूसँगै लिएर भाग्यो । त्यसपछि उसले दुईमध्ये एकजना प्रेमिकालाई रेलमा नै छोडिदियो र अर्कीलाई आफूसँगै लिएर भाग्यो ।

प्रेमीले आफूलाई धोका दिएपछि छाडिएकी ती युवतीले प्रहरी चौकीमा उजुरी दिईन् । जसपश्चात् यो घटना चर्चाको विषय बनेको थियो । यो घटना रायगढको बरमकेला थाना क्षेत्रको रहेको छ ।

रिपोर्टका अनुसार उक्त युवक कामको खोजीमा निस्किएका बेला ती दुई युवतीलाई आफ्नो मायाजालमा फसायो । त्यसपछि उसले दुवैजनालाई आफ्नो घरबाट भाग्नका लागि भन्यो र आफ्नो साथमा लग्यो । युवकले दुई प्रेमिकालाई पहिले दिल्ली र पछि झारखण्डको टाटा नगर पुर्याएपछि चलाखीका साथ एउटी प्रेमिकालाई आफ्नो पिछा छुडाउनका लागि उत्कल एक्सप्रेसको रेलमा चढाएर आफू केही बेरमा आउने भनी बाहिर निस्कियो । अनि त्यहीँ बेलामा अर्की प्रेमिकालाई साथ लिएर भाग्यो ।

रेलभित्र एक्लै छाडेको धेरै बेरसम्म पनि प्रेमी नआएपछि र रेल गुड्न थालेपछि ती युवती रुन थालिन् । त्यहाँ रहेका रेलका यात्रुहरुले उनीसँग सोधपुछ गरे । उनले सबै कुरा बताएपछि उनलाई रेलबाट बाहिर निकालेर पुलिसको जिम्मा लगाइयो । पुलिसले उनलाई आफ्ना आफन्तको जिम्मा लगाएको छ । भागेका प्रेमी र अर्की युवतीका बारेमा भने केही पत्ता लागेको छैन ।

Comments

comments