एयर इन्डियाको विमानबाट जनकपुर अाेर्लिए मोदी, जानकी मन्दिरमा ओलीको स्वागत




जनकपुर । भारतीय प्रधानमन्त्री नरेन्द्र मोदी जनकपुर अाइपुगेका छन् । मोदी एयर इन्डियाको एटिआर ७२–६०० विमानबाट जनकपुर विमानस्थलमा अाेर्लिएका हुन् ।

प्रधानमन्त्री माेदीसँगै विमानमा उनका सुरक्षा सल्लाहकार अजित डाेभल पनि जनकपुर अाेर्लिएका छन्। जनकपुर विमानस्थलमा भारतीय प्रधानमन्त्री मोदीलाई रक्षामन्त्री ईश्वर पोखरेलले स्वागत गरेका छन् ।

प्रधानमन्त्री केपी शर्मा ओलीले जानकी मन्दिरमा स्वागत गरेका छन् । मोदीलाई स्वागत गर्न प्रधानमन्त्री ओली कुर्ता, पाइजामा र ढाका टोपी लगाएर शुक्रबार बिहानै जनकपुर पुगेका थिए ।

विमानस्थलबाट माेदी सीधै जानकी मन्दिर जाँदैछन् । जहाँ उनलाई प्रधानमन्त्री केपी शर्मा ओलीले स्वागत गर्दैछन् ।
जानकी मन्दिरमा पुजाअर्चना गरिसकेपछि रामायण सर्किटको संयुक्त रुपमा शिलन्यास गर्नेछन् । त्यसपछि रामायण सर्किटमा जनकपुर पनि जोडिनेछ ।

मन्दिरमा पुजा गरिसकेपछि प्रधानमन्त्री मोदीलाई जनकपुरस्थित बाह्रबिघामा नागरिक अभिनन्दन गर्ने कार्यक्रम तय भएको छ । नागरिक अभिनन्दनपछि उनले त्यहाँ सम्बोधन गर्नेछन् । अभिनन्दनका लागि हजाराैं जनता जनकपुरमा भेला भएका छन् ।

Comments

comments