जनकपुरमा मोदीले यसरी मागे माफी, कारण यस्तो




जनकपुर : नेपाल भ्रमणमा आएका भारतीय प्रधानमन्त्री नरेन्द्र मोदीले जनकपुरवासीसँग क्षमा मागेका छन् । आफूले पहिलेदेखि नै जनकपुर आउन चाहेको भएपनि विभिन्न कारणले आउन नसकेकोमा क्षमा मागे।

अहिले एकादशीको दिन पारेर जनकपुरको जानकी मन्दिरको भ्रमणमा निस्किएको उनले बताए। मादी आज मात्रै दुई दिने नेपाल भ्रमणका लागि आएका हुन्।

मोदीका अगाडि मधेसको ‘बेइज्जत’ : मुख्यमन्त्रीले भने, ‘हामी अत्यन्तै गरीब छौं’

नेपाल भ्रमणका क्रममा जनकपुरमा रहेका भारतीय प्रधानमन्त्री नरेन्द्रका अगाडि मधेसका जनता धेरै गरिब रहेको भन्दै प्रदेश २ का मुख्यमन्त्री लालबाबु राउतले मधेसकै जनताको ‘बेइज्जत’ गरेका छन् ।

मोदीको नागरिक अभिनन्दनका लागि जनकपुरका बाह्र बिघा मैदानमा आयोजित कार्यक्रममा बोल्दै मुख्यमन्त्री राउतले मधेस आर्थिक रुपमा अन्यन्तै पछाडि रहेको बताए । उनले मधेसका जनता तुलनात्मक रुपमा अत्यन्तै गरीब, शोषित र पीडित रहेको पनि मोदीसमक्ष ‘निवेदन’ सुनाए ।

उनले मोदीका अगाडि संविधानको बारेमा पनि विवादस्पद अभिव्यक्ति दिए । उनले संविधानलाई ‘विभेदकारी’ भन्दै संविधान र प्रादेशिक अधिकारका लागि संघर्ष जारी रहेको बताए ।

मोदीले भने : नेपालबिना भारतका राम पनि अधुरो, भारतका काम पनि अधुरो

शुक्रबार दुईदिने नेपालको भारतीय राजकीय भ्रमणमा रहनुभएका भारतीय प्रधानमन्त्री नरेन्द्र मोदीको जनकपुरको बाह्रबिघामा विभिन्न सम्मानसहित अभिनन्दन गरिएको छ ।

बाह्रबिघा मैदानमा सम्बोधन गर्दै आफू पहिले नै जनकपुर आउन चाहेको बताउँदै मोदीले भन्नुभयो, ‘अगस्ट २०१४ मा पहिलो पटक आफू प्रधानमन्त्रीको तवरमा नेपाल भ्रमणमा आफू आउँदा नेपालको संविधानसभामै आफू जनकपुरमा आउने प्रतिवद्धता जनाएको थिएँ ।’ तर विविध कारणले आफू जनकपुर आउन नसकेकोमा क्षमा माग्दै आफ्नो पुरानो मनोकामना आज पूरा भएको मोदीले बताउनुभयो ।

‘मेरो यसपटकको नेपालको भ्रमण प्रधानमन्त्रीको रुपमा होइन, प्रधान तीर्थयात्रीको रुपमा रहेको छ ।’ उहाँले सम्बोधनको क्रममा नेपाल–भारत सम्बन्ध ‘रोटी र बेटी’ को भएको बताउनुभयो । जनकपुर माता जानकीको भूमि भएको र योबिना अयोध्या अधुरो हुने भारतीय प्रधानमन्त्री मोदीले बताउनुभयो ।

उहाँले भारत र नेपालको संस्कृति, भाषा र सभ्यतामा मात्रै समान नभएको बताउँदै नेपाल र भारतको सपना, उद्धेश्य तथा सुखदुःख पनि समान भएको बताउनुभयो । उहाँले नेपालको सहयोगबिना भारत अपूरो हुने बताउँदै भन्नुभयो, ‘नेपाल के बिना भारतके राम भि अधुरा, नेपालके बिना भारतके राम भि अधुरा ।’ आफूले नेपाललाई पराइजस्तो महसुस नगरेको बताउँदै भन्नुभयो, ‘सबै आफ्नैजस्तो मात्रै होइन सबै आफ्नै त हौँ ।’

Comments

comments