यी सांसदले गरे जनकपुरलाई भारतमा गाभ्न मोदी समक्ष माग !




काठमाडौं । भारतका एक सांसदले भने जनकपुर भारतीय भूमि भएको भन्दै फिर्ता लिन माग गरेका छन् । नेपालको दुई दिने राजकीय भ्रमणमा आएका भारतीय प्रधानमन्त्री नरेन्द्र मोदीले जनकपुरमा आयोजित अभिनन्दन कार्यक्रमलाई सम्वोधन गरिरहेका बेला भारतको लोकसभाका सांसद कीर्ति आजादले यस्तो ट्वीट गरेका हुन्।

उनले सामाजिक सञ्जाल ट्वीटरमा लेखेका छन्, ‘आदरणीय नरेन्द्र मोदीजी, जनकपुरधाम मिथिलाको राजधानीमा यहाँलाई स्वागत छ, दुई सय वर्ष पहिले अंग्रेज र नेपालका बीचमा भएको सन्धि जसले मिथिलाको भाग नेपालमा दिएको थियो उक्त समय सकिएकाे छ । मिथिलाको यस भागलाई पुन: फिर्ता लिएर सीता आमाको आदर गर्दै मिथिला राज्य घोषणा होस् ।’

अहिले उनको ट्वीटलाई लिएर ट्वीटरमा नेपाली र भारतीयबीचको बहस शुरु भएको छ । कीर्ति आजाद सन् २०१४ मा भारतीय जनता पार्टीका तर्फबाट विहारको दरभङ्गाबाट लोकसभा सदस्यमा निर्वाचित भएका थिए ।

काठमाडाैं अाइपुगे माेदी, सरकारले टुँडीखेलमा ‘गार्ड अफ अनर’द्वारा सम्मान गर्ने

भारतका प्रधानमन्त्री नरेन्द्र माेदी जनकपुरबाट काठमाडाैं अाइपुगेका छन् । नेपालकाे दुर्इ दिने राजकीय तथा धार्मिक भ्रमणमा नेपाल अाएका माेदी एयर इन्डियाकाे विमानबाट काठमाडाैंस्थित त्रिभुवन अन्तर्राट्रय विमानस्थलमा अाेर्लिएका हुन् ।

विमानस्थलमा परराष्ट्रमन्त्री प्रदीप ज्ञवालीले माेदीलार्इ स्वागत गरेका छन् । यसअघि दिल्लीबाट सीधै जनकपुर अाएका माेदीलार्इ जानकी मन्दिरमा प्रधानमन्त्री केपी शर्मा ओलीले स्वागत गरेका थिए । जनकपुरमा पूजा, नागरिक अभिनन्दनलगायतका कार्यक्रममा सहभागी भएर काठमाडाैं अाएका माेदी अब लगत्तै हायात हाेटलमा पुगेर अाराम गर्ने जनाइएकाे छ । त्यसकाे केहीबेरपछि साँझ माेदीलार्इ टुँडीखेलमा विशेष सम्मान ‘गार्ड अफ अनर’ अर्पण गरिँदैछ ।

टुँडीखेलमा सम्मान ग्रहण गरेलगत्तै मोदीले उपराष्ट्रपति नन्दबहादुर पुन र राष्ट्रपति विद्यादेवी भण्डारीसँग भेटवार्ता गर्नेछन् । त्यसपछि महत्वपूर्ण राजनीतिक भेटवार्ता सुरू जनाइएकाे छ । अाजै बेलुका बत्तिसपुतलीस्थित होटल द्वारिकाजमा प्रधानमन्त्रीलगायत विभिन्न राजनीतिक दलका नेताहरुसँग भेटवार्ता हुनेछ ।

Comments

comments