१०४ वर्षीय वैज्ञानिकद्वारा स्वेच्छिक मृत्युवरण, अन्तिम भोजनका रुपमा माछा, चिप्स र केक




स्वीटजरल्याण्ड, वैशाख २८ । विश्वप्रख्यात वैज्ञानिक डा. डेभिड गुडअलले १०४ वर्षको उमेरमा स्वीटजरल्याण्डमा स्वेच्छिक मृत्युवरण गरेका छन् । लण्डनमा जन्मिएर अष्ट्रेलियामा रही बोटनी र पर्यावरण क्षेत्रको वैज्ञानिक बनेर ख्याती कमाएका गुडअलले हाँसीहाँसी मृत्युवरण गरेको जनाइएको छ ।

इच्छा मृत्युको क्षेत्रमा क्रियाशील संस्था एक्जिट इन्टरनेशनलले गुडअललाई आफ्नो जीवन अन्त्य गर्न सहयोग गरेको थियो । एक्जिट इन्टरनेशनलका संस्थापक फिलिप नित्जेले गुडअलको मृत्यु भएको औपचारिक जानकारी दिएका हुन् । उनले स्विटजरल्याण्डको बेसलस्थित लाइफ साइकल क्लिनिकमा शान्तिपूर्वक मृत्युवरण गरेको नित्जेले उल्लेख गरेका छन् ।

गुडअलले अन्तिम भोजनको रुपमा माछा र चिप्ससँगै चीजले बनेको केक खाएको तथा विथोवनको ‘ओड टु जोई’ संगीत सुनेको पनि जनाइएको छ ।

आफ्नो जिन्दगी अन्त्यका लागि उनी मे ३ मा अष्ट्रेलियास्थित घर छाडेर स्वीटजरल्याण्ड गएका थिए । मृत्युवरण गर्दैगर्दा उनले आफ्नो मृत्युको चर्चाले वृद्धवृद्धाको इच्छा मृत्युको अधिकारको मागलाई बल मिल्ने उल्लेख गरेका थिए । (एजेन्सी)

के तपाइँलाई घोडाबारे यी कुरा थाहा छ ?

काठमाडौं उपत्यकामा शनिबार परम्परागत घोडेजात्रा पर्व मनाइएको छ । घोडेजात्राकै अवसरमा यहाँ घोडासम्बन्धी रोचक जानकारी प्रस्तुत् गरिएको छ । जतिबेला यातायातका साधनको विकास भएको थिएन, त्यतिबेला सबैभन्दा सजिलो र चाँडो यात्राका लागि घोडा नै उपयुक्त माध्यम थियो ।

घोडा प्राचीनकालदेखि नै मानिसको निकै नजिकको साथी मानिन्छ । यसलाई निकै सुन्दर र बफादार जनावरकोरुपमा पनि लिइन्छ ।

घोÞेडामाथि लेखिएको पहिलो पुस्तक नाम ‘शालिहोत्र’ हो । यो पुस्तक महाभारतकालको समयमा लेखिएको मानिन्छ ।

घोडाको आयु झन्डै ३० वर्षको हुन्छ । तर, इंग्ल्यान्डमा एउटा घोडा ६२ वर्षसम्म बाँचेको थियो । संसारमा घोडाका १६० प्रजाति पाइन्छ । तीमध्ये अरबी घोडालाई विशेष मानिन्छ ।

जमिनमा रहने जनावरमध्ये घोडाको आँखा सबैभन्दा ठूलो हुन्छ । यो सानै उमेरदेखि दौडिन सुरु गर्छ । घोडाले मुखबाट कहिल्यैपनि सास लिँदैन ।

उठ्दाभन्दा बस्दा यसको धेरै शक्ति खर्च हुने गर्दछ । अफ्रिकाको जंगलमा अझैपनि जंगली घोडाहरुको सयौं झुन्ड पाइन्छ ।

एक आँकडाकाअनुसार विश्वमा घोडाको संख्या करिब ६ करोड रहेको अनुमान छ । यसलाई मानिसहरुले ५ हजार वर्षपहिलेदेखि नै घरपालुवा जनावरकोरुपमा पाल्दै आएका छन् ।

घोडाको बफादारिता यति छ कि यसले आफ्नो मालिकलाई कहिल्यैपनि भुल्दैन । कथंकदाचित आफूमाथि सवार मालिक लड्यो भने घोडाले कहिल्यैपनि कुल्चदैन ।

प्राचीनकालमा भारतवर्षका राजा–महाराजाहरुले अश्वमेघ यज्ञ गर्दथे, जुन घोडासँगै जोडिएको विषय थियो ।

सेनाले घोडाको प्रयोग सयौं वर्षदेखि गर्दै आएका छन् । पुराना राजाहरुको सवारीको साधन नै घोडा हुने गर्दथ्यो । घोडामै बसेर उनीहरु शिकार गर्न जान्थे ।

घोडा शाकाहारी प्राणी हो । यसको शक्ति यसरी पनि जान्न सकिन्छ कि यो नरोकिइकन घन्टौंसम्म दौडिनसक्छ । इन्जिनको शक्ति पनि ‘हर्ष पावर’मा नाप्ने गरिन्छ ।

पछिल्लो समयमा सवारीका आधुनिक साधनको विकास र विस्तारले घोडाको प्रयोग घट्दै गएपनि यसप्रतिको आकर्षण भने कायमै छ । –एजेन्सीको सहयोगमा ।

Comments

comments