यी बलिउड गायिकाले भनिन् : ‘” भारतीयहरु जनावर जस्ता छन् “




काठमाडौं । एकजना सुन्दर भारतीय गायिकाले भारतका जनता जनावर जस्ता भएका कारण आफ्नो देश बस्न लायक नरहेको टिप्पणी गरेकी छन् ।

सांगितीक कार्यक्रममा भर्खरै नेपाल समेत आइसकेकी गायिका मोनाली ठाकुरले एउटा अन्तरवार्तामा यस्तो बताएकी हुन् । दम लगा के हइसा भन्ने फिल्ममा मोह मोहकी धागे..बोलको गीत गाएकी मोनाली अहिलेको पुस्ताकी चलेकी गायिका हुन् ।

उनले आफुले भ्रमण गर्ने क्रममा अन्य देशका नागरिकले भारत र भारतीयका बारेमा गरेको टिप्पणीका कारण यस्तो बुझाई रहेको बताइन् ।

भारतीयले गलत फाइदा उठाउने गरेको उनले बताएकी छन् । भाषा र संस्कृतिको विविधता भए पनि गलत फाइदा उठाउने भारतीयको बानी गलत भएको उनको टिप्पणी छ । ‘हामी विरासतको गलत फाइदा उठाइरहेका छौं, जसका कारण अन्य देशका नागरिकले हामीलाई ठिक मान्दैनन्, जनावर भन्छन् ।’

सुरु भयो “छक्का पञ्जा ३”

व्यावसायिक रूपमा सफल ‘छक्का पञ्जा’ को तेस्रो सिरिजको छायांकन सुरु भएको छ । भक्तपुरस्थित सूर्यविनायक मन्दिरमा पूजाआजा गरी त्यहींबाटै ‘छक्का पञ्जा ३’ को ४५ दिनको सुटिङ सुरु भएको हो ।

दीपाश्री निरौलाकै निर्देशन रहने फिल्ममा दीपकराज गिरी, पुष्प खड्का, प्रियंका कार्की, दीपिका प्रसार्इं, जितु नेपाल, केदार घिमिरे, बुद्धि तामाङ, नीर शाह, शिवहरि पौडेल, किरण केसी, अनुरागमान सिंह कुँवर, जयनन्द लामा, शिशिर राणा, लक्ष्मी गिरी, वसन्त भट्ट लगायतको अभिनय रहनेछ ।

राजधानी आसपास र चित्लाङ, दमौली, बाग्लुङमा छायांकन गरिने फिल्मलाई आमा सरस्वती मुभिजको ब्यानरमा जितु र केदार कार्यकारी निर्माताका रूपमा रहेका छन् । फिल्ममा अर्जुन पोखरेल र दीपक शर्माको संगीत रहनेछ । छायांकन पुरुषोत्तम प्रधानले गर्नेछन् । कथा दीपकराजको तथा संवादमा जितु, केदार र यमन श्रेष्ठले सहकार्य गरेका हुन् ।
‘दर्शकले रुचाइरहनुभएकोले हामीले ‘छक्का पञ्जा’ कै सिरिजलाई निरन्तरता दिएका हौं,’ दीपकले भने, ‘सामाजिक कथालाई मनोरञ्जनात्मक शैलीमा प्रस्तुत गर्नेछौं ।’

उक्त फिल्म फूलपातीका दिन रिलिज गर्ने लक्ष्य राखिएको छ । निर्देशक निरौलाले भने दर्शकको माया बढेपछि जिम्मेवारी पनि बढदै गएको बताइन् । उनले भनिन्, ‘फिल्मको कथावस्तु अघिल्लो पटकझैं सस्पेन्स नै राख्छौं तर मनोरञ्जन भने डबल हुने ग्यारेन्टी गर्न चाहन्छु ।’

Comments

comments