ब्राजिलले घोषणा गर्‍यो नेयमारको कप्तानीमा विश्वकप टिम, यस्तो छ ब्राजिलियन टिम




एजेन्सी : उपाधि दाबेदार मानिएको ब्राजिलले विश्वकप नजिकिएसँगै राष्ट्रिय टिमको घोषणा गरेको छ। ब्राजिलले नेयमारको कप्तानीमा विश्वप्रसिद्ध खेलाडीहरूलाई टिममा सहभागी गराउँदै २३ सदस्यीय टिमको घोषणा गरेको हो। यद्यपि अघिल्लो साता चोटग्रस्त रहेका डेनी अल्वास भने टिममा पर्न असफल भएका छन्।

टिम म्यानेजर टिटेले २३ सदस्यीय टिमको घोषणा गरेका हुन्। उनले टिमको अभ्यास र तयारी विश्वकपका उपाधिका लागि हुनुपर्ने भएकाले टिम घोषणा गरेर नै खेलाडीलाई एक्सपोज गर्ने बताएका छन्। ब्राजिलियन टिममा डेभिड लुइस, ओस्कार, एलेक्स सान्ड्रो लगायतले टिममा स्थान बनाउन असफल भए।

यस्तो छ ब्राजिलियन टिम

गोलरक्षक– एलिससन (रोमा), इडरसन(म्यानचेस्टर सिटी), कासियो(कोरिन्थियन्स)

सेन्टर ब्याक– मार्कुइनोस (पीएसजी), थियोगो सिल्भा (पिएसजी), मिरन्डा (इन्टरमिलान), पेड्रो जरोमेल (ग्रिमियो)

मिडफिल्डर– विलियन (चेल्सी), फर्नान्डीन्हो (म्यानचेस्टर सिटी), पाउलीन्हो (बार्सिलोना), कासिमिरो (रियल म्याड्रिड), फिलिप कउटिन्हो (बार्सिलोना), रेनाटो अउगुस्टो (बेइजिङ गुओन), फ्रेड (शख्तर)

फरवार्ड– नेयमार (पीएसजी), गाव्रियल जेसस (म्यानचेस्टर सिटी),रोर्वटो फिरमिन्हो (लिभरपुल),डोउग्लास कोस्टा (युभेन्टस), टाइसन (शख्तर)।

पञ्जाबमाथि बेंग्लोरको सहज जित, प्लेअफको सम्भावना कायमै

इन्दौर : इण्डियन प्रिमियर लिग (आइपीएल) क्रिकेटमा रोयल च्यालेञ्जर्स बेंग्लोरले किंग्स इलेभन पञ्जाबमाथि १० विकेटको जित हात पारेको छ। यो जितसँगै रोयल च्यालेञ्जर्स बेंग्लोरले प्लेअफको सम्भावना कायमै राखेको छ। गएराती भएको खेलमा पंञ्जाबले दिएको ८९ रनको झिनो लक्ष्य पछ्याएको बैंगलोरले ८ ओभर १ बलमा विना कुनै विकेटको क्षतिमा जित हासिल गर्‍यो ।

बैंगलोरका कप्तान विराट कोहली ४८ र पार्थिव पटेल ४० रनमा अविजित रहँदै टोलीलाई जित दिलाए । २८ बल खेलेका ६ चोका र २ छक्का प्रहार गरे । २२ बल खेल्दै पार्थिवले ७ चौका प्रहार गरे ।

यसअघि मध्य प्रदेशको इन्दौरस्थित होल्कर स्टेडियममा टस हारेर व्याटिङ्गको निम्तो पाएको पञ्जाबले निर्धारित २० ओभरमा मध्ये १५.१ ओभरमा सबै विकेट गुमाउँदै ८८ रन मात्र बनाउन सक्यो।

पञ्जाबका लागि एरोन फिन्चले २६ रन बनाए। २३ बल खेलेका उनले १ चौका र २ छक्का प्रहार गरे। केएल राहुलले १५ बलमा ३ छक्कासहित २१ रन र क्रिश गेलले ४ चौकाको मद्दतमा १८ रन बनाउनुबाहेक अन्य खेलाडीले दोहोरो अंक जोड्न सकेनन्। बलिङतर्फ उमेश यादवले तीन विकेट लिए ।

जितपछि पनि सातौं स्थानमा यथावत रहेको बैंगलोरको १० अंक पुगेको छ । छैटौं स्थानको मुम्बई इन्डियन्सको पनि १० अंक छ । समान १२ अंक भएपछि पञ्जा पाँचौं स्थानमा झर्दा राजस्थान रोयल्स चौथो स्थानमा उक्लेको छ । तेस्रो स्थानको कोलकाता नाइट राइजर्सको पनि १२ अंक छ ।

यसअघिनै शीर्ष दुई स्थानमा रहेका सनराइज हैदारावाद र चेन्नई सुपर किङ्स प्लेअफमा प्रवेश गरिसकेका छन्। आइपीएल क्रिकेटमा आज कोलकाता नाईट राईडर्स र राजस्थान रोयल्सबीच प्रतिस्पर्धा हुनेछ ।

Comments

comments