दुवै खुट्टा नभएका ७० वर्षे चिनियाँ नागरिक चढे सगरमाथा, एकैपल्ट ४० अाराेही चुचुराेमा




काठमाडाैं । यस वर्षकाे सगरमाथा अाराेहण सिजन सुरू भएसँगै विभिन्न देशका अाराेहीहरूले कीर्तिमान राख्न थालेका छन् । सोमबार दुवै खुट्टा नभएका ७० वर्षे चिनियाँ नागरिकसहित एकैपटक ४० आरोहीले सगरमाथाको सफल आरोहण गरेका छन् । यस वर्षको आरोहण सुरु भएको दोस्रो दिन एकैपटक ४० आरोही सगरमाथाकाे चुचुराेमा पुगेका हुन् ।

दुवै खुट्टा नभएका ‘सिए बोयो’ नामका ७० वर्षीय चिनियाँ नागरिकले सोमबार बिहान सगरमाथाको सफल अाराेहण गरेकाे पर्यटन तथा नागरिक उड्डयन मन्त्रालय स्राेतले जनाएकाे छ । सम्पर्क अधिकृत ज्ञानेन्द्र श्रेष्ठले ‘इमाजिन ट्रेक्स एण्ड एस्पिडिसन प्रालि’ मार्फत बाेयाेले सगरमाथाकाे अाराेहण गरेका हुन् । उनी विगत ४० वर्षदेखि सगरमाथाको आरोहण गर्ने प्रयासमा थिए तर सफल हुन सकिरहेका थिएनन् । बाेयाेसँगै ७ जना चिनियाँ आरोहीले समेत सोमबार नै सगरमाथाकाे सफल आरोहण गरेकाे श्रेष्ठले जानकारी दिए ।

सम्पर्क अधिकृत श्रेष्ठले एकै सिजनमा दुर्इ हिमाल अाराेहण गरेर नेपाली महिला आरोही निमा जाङ्मु शेर्पाले नयाँ कीर्तिमान राखेकाे बताएका छन् । निमाले यही वैशाख १६ गते ल्होत्सेकाे आरोहण गरेकी थिइन् भने सोमबार सगरमाथाको आरोहण सम्पन्न गरेकी हुन् ।

अाइतबारबाट माैसममा गडबडी अाएपछि अाराेहणका लागि गएका धेरै अाराेही सगरमाथा बेसक्याम्पमै रहेकाे जनाइएकाे छ । अनुकूल मौसमको पर्खाइमा क्याम्प नं. चारमा मात्रै १५० आरोही रहेकाे जनाइएकाे छ ।

शारीरिक अशक्तताका बाबजुद सगरमाथामा पुग्ने बाेयाे पाचाैं अाराेही भएका छन् । यसअघि न्युजील्याण्ड, अमेरिकालगायत देशका शारीरिक अशक्त एवं दृष्टिविहीन नागरिकहरूले सगरमाथाकाे अाराेहण गरी कीर्तिमान राखिसकेका छन् ।

Comments

comments