मकालु एयरको विमान दुर्घटनाग्रस्त अवस्थामा फेला, पाइलट र को-पाइलोट दुवैको मृत्यु




सुर्खेत । सुर्खेतबाट सिमिकोटका लागि उडेर बेपत्ता मकालु एयरको विमान हुम्लामा दुर्घटनाग्रस्त अवस्थामा भेटिएको छ । विमान दुर्घटनामा पाइलट र को पाईलोट दुवैको मृत्यु भएको छ ।

हुम्लाका सहायक प्रमुख जिल्ला अधिकारी महेशकुमार पोखरेलका अनुसार पाइलट र को पाइलट दुवैको मृत्यु भएको हो । बिहान ६ बजेर २० मिनेटमा सुर्खेत विमानस्थलबाट सामान लिएर उडेको ‘कार्गो’ जहाज हुम्लाको खार्कोनाथ गाउँपालिकाको बाहुनखर्कमा विमान फेला पारेको हो । घटनास्थलमा अहिले अर्को हेलिकोप्टर पुगेको छ । थप विवरण आउन बाँकी छ ।

जहाज बिहान ६ बजेर ५५ मिनेटमा सिमकोट अवतरण गर्नुपर्ने थियो। विमानमा पाइलट किरण भट्टराई र को पाइलट रहेको आदित्य नेपाली थिए ।

 

यसअघि प्रकाशित समाचारमा सूचना गलत पर्न भएकोमा क्षमाप्रार्थीसहित हटाइएको छ। यसबाट पाठकहरुमा पर्न गएको असुविधाप्रति हामी क्षमा माग्दछौं।

Comments

comments