प्रहरी नियन्त्रणमा रहेका ‘लुट’ निर्माता वाग्लेको बयानः ‘चलचित्र सुटिङको लागि नक्कली नोट छापेको हो 




काठमाडौं, जेठ २ : २ करोड भन्दा बढी नक्कली नेपाली नोट चलचित्र सुटिङको लागि छापेको प्रहरीको नियन्त्रणमा रहेका चलचत्रि निर्माता माधव वाग्लेले बयान दिएका छन् । उनले २ करोड ६० लाख रुपैँया चलचित्र सुटिङको लागि छापेको प्रहरीलाइ बयान दिएका हुन् ।

नक्कली नोटको कारोवारमा संलग्न रहेको आरोपमा प्रहरीले चलचित्र निर्माता माधव वाग्लेलाई पक्राउ गरेर अहिले अनुसन्धान गरीरहेको छ । चलचित्रका छायांकनको प्रयोजनको लागि प्रयोग गरिएको नक्कली नोट काठमाण्डौको एक रोदीमा खर्च भएको सुचना पाएपछि प्रहरीले चलचित्र निर्माता वाग्लेलाई नियन्त्रणमा लिएको थियो ।

रोधी घरबाट नक्कली नोटको कारोवार भएको भन्दै प्रहरीमा उजुरी परेपछि प्रहरी एक्सनमा उत्रिएको हो । आज बिहान प्रहरीले वाग्लेलाइ महाराजगञ्ज बोलाएर अनुसन्धान सुरु गरेको हो ।

सोधपुछका लागि भन्दै प्रहरीले उनलाई नियन्त्रणमा लिएर आज दिउँसो काठमाडौं जिल्ला अदालतमा थप अनुसन्धानका लागि म्याद थप गरेको छ । भोली फेरी निर्माता वाग्लेलाई अदालत सामु उपस्थित गराइने प्रहरीले जानकारी दिएको छ ।

प्रहरीका अनुसार दीपेन्द्र के. खनाल निर्दे्शित चलचित्र ‘चङ्गा चेट’ का लागि बनाइएको १ हजारको तीन बण्डल नक्कली नोट काठमाण्डौको एक रोदी घरमा खर्च भएको थियो ।

चलचित्रका प्राविधिकहरुले रोदी घरमा नक्कली नोट खर्च गरेका थिए । ’लुट’ सँगै ’लुट २’, ’लभ सासा’, ’रेशम फिलिली’ लगायतका चलचित्र वाग्लेले निर्माण गरेका हुन् ।

Comments

comments