अाफ्नै कारणले पंञ्जाव पराजित , मुम्बई प्ले अफमा पुग्ने संम्भावना बढ्यो




एजेन्सी : किङ्स ११ पञ्जाबमाथि ३ रनको रोमाञ्चक जित दर्ता गर्दै मुम्बई इन्डियन्स अंक तालिकाको चौथो स्थानमा उक्लिएको छ। बुधबार राति भएको खेलमा मुम्बईले दिएको १ सय ८७ रनको लक्ष्य पछ्याएको पञ्जावले ५ विकेट गुमाएर १ सय ८३ रन मात्र जोड्न सक्यो। पञ्जावका लोकेश राहुलको ६० बलमा ९४ रनको तुफानी इनिङ बेकार साबित भएको छ । लोकेशले १० चौका र ३ छक्का प्रहार गरेका थिए।

यस्तै आरोन फिन्चले ४६ क्रिस गेलले १८ तथा अक्षर पटेलले अविजित १० रन जोडे पनि त्यो जितका लागि पर्याप्त रहेन। अन्तिम ओभरमा जितका लागि १७ रन चाहिएको अवस्थामा युवराज सिंह मुम्बईका मिचेल म्याक्लिघनको बलमा १ रनमै आउट भएका थिए। मुम्बईलाई जिताउन जसप्रित बुम्राहाले ४ ओभर बलिङ गर्दै १५ रन खर्चिएर ३ विकेट लिएका थिए। यस्तै मिचेल म्याक्लिघनले २ विकेट हात पारे।

यसअघि वानखडे स्टेडियममा मुम्बईले टस हारेर पहिले ब्याटिङ गर्दै निर्धारित २० ओभरमा ८ विकेट गुमाएर १ सय ८६ रन बनाएको थियो। उसका लागि केइरन पोलार्डले २३ बलमा ५ चौका र ३ छक्काको मद्दतमा ५० रन जोडे। क्रुनाल पाण्डेल ३२, सूर्यकुमार यादवले २७ र इशान किनसले २० रनको योगदान गरे। मुम्बईले ९ ‌ओभरमा ४ विकेटको ७१ रन जोडेर कमजोर सुरुवात गरेपनि पोलार्डले इनिङ उकासेका थिए।

बलिङ तर्फ किङ्स ईलाभेन पञ्जाबको लागि एण्ड्री टाइले ४ विकेट लिए । ४ अोभर बलिङ गरेका उनले मात्र १६ रन दिए । त्यस्तै अार अश्विनले २ तथा स्टईनिस र अनकित राजपुतले समान १/१ विकेट लिए ।

यो जितसँगै मुम्बईको प्लेअफ सम्भावना कायमै रहेछ। पराजित पञ्जावको समान १२ अंक भए पनि रन रेटका आधारमा पछि परेको छ। समान खेलबाट १२ अंक नै बनाएको राजस्थान रोयल्स पाँचौ स्थानमा छ। आइपीएल अन्तर्गत आज शीर्ष स्थानको हैदरावाद र बैंगलोरबीच खेल हुनेछ। प्लेअफ पुग्न बैंगलोरको लागि यो खेल जित्नैपर्ने दबाब छ। हारले भने बैंगलोर बाहिरिनेछ।

Comments

comments