न धोनी न कोहली ! केएल राहुलले बनाए अाईपिएलका यस्तो सबै नयाँ रेकर्ड




एजेन्सी : अाईपिएलको पछिल्लो खेलमा किङ्स ११ पञ्जाबमाथि ३ रनको रोमाञ्चक जित दर्ता गर्दै मुम्बई इन्डियन्स अंक तालिकाको चौथो स्थानमा उक्लिएको छ। बुधबार राति भएको खेलमा मुम्बईले दिएको १ सय ८७ रनको लक्ष्य पछ्याएको पञ्जावले ५ विकेट गुमाएर १ सय ८३ रन मात्र जोड्न सक्यो। पराजित पञ्जावका लोकेश राहुलले ६० बलमा ९४ रनको तुफानी खेले यो क्रममा उनले १० चौका र ३ छक्का प्रहार गरेका थिए।

यो सँगै केएल राहुल यो सीजनमा ६०० रनको आँकड भेट्याउने पहिलो ब्याट्सम्यान पनि भएका छन्। १३ खेलमा ६५२ रन बनाउदै ऋषब पन्तबाट ओरेन्ज क्याप खोस्न पनि सफल भएका छन् । पन्तले अहिलेसम्म १२ खेलमा ५८२ रन बनाउदै सर्वाधिक रन बनाउने लिस्टको दोस्रो स्थानमा छन् ।

यो पनि पढ्नुस् : पञ्जाबका केएल राहल मुम्बईको जर्शीमा देखिए पछि दुनियाँ हैरान, भित्री कारण यस्तो ( फोटो कथा )

मुम्बई बिरुद्धको खेलमा राहुलले ३६ बलमा अर्धशतक बनाएका थिए । केएल राहुलको यो आइपीएल २०१८ मा छैटौं अर्धशतक हो। केएल राहुलले एक सीजनमा लक्ष्य पछ्याउँदै सबैभन्दा धेरै अधशतक बनाउने भारतीय ब्याट्सम्यान पनि भएका छन्। यसअघि यो रेकर्ड रोहित शर्माको नाममा थियो। जसले २०१६ मा ५ अर्धशतक प्रहार गरेका थिए।

केएल राहुल एक सीजनमा ६०० रन बनाउने चौथो भारतीय ब्याट्सम्यान हुन्। विराट कोहलीले यो सफलता दुई पटक प्राप्त गरिसकेका छन्। उनी बाहेक रबिन उथप्पा, सचिन तेन्दुलकरले पनि एक सीजनमा ६०० भन्दा धेरै रन बनाएका थिए।

Comments

comments