खुसिको खबर ! यसकारण सन्दिपले चेन्नाई बिरुद्ध खेल्ने पक्का




काठमाडौं, जेठ ३ : नेपाली युवा क्रिकेटर सन्दीप लामिछाने पछिल्लो समय चर्चामा रहेका छन् । उनी इन्डियन प्रिमियर लिग (आईपीएल) र क्यारेबियन लिग खेल्ने भएकाले मात्रै चर्चामा आएका होइनन् । उनले मे ३१ मा इंग्ल्याण्डको लर्डसमा विश्व ११ को तर्फबाट वेष्ट इन्डिजविरुद्ध हुने खेलमा खेल्ने भएका छन् ।

पहिलो पटक आईपीएलमा अनुबन्धित भएर नेपाली क्रिकेटमा इतिहास कायम गरेका सन्दीपको प्रशंसा विश्व प्रख्यात क्रिकेटरले मात्रै होइन, भारतीय प्रधानमन्त्री नरेन्द्र मोदीले समेत गर्न भ्याए । नेपाल भ्रमणमा रहेका मोदीले सन्दीप लामिछानेजस्तै अरु नेपाली खेलाडी पनि अन्तर्राष्ट्रिय रुपमा जोडिनु पर्ने बताएका थिए ।

मोदीले सन्दीपलाई सम्झिएकै यस्तो संयोग भयो कि दिल्ली डेयरडेभिल्सले टिम ११ मा समावेश गर्यो । अझ दिल्लीले सन्दीपलाई रोयल च्यालेन्जर्स बेंग्लोरविरुद्ध ओपनिङ बलरका रुपमा नै खेलायो । सन्दीपले आईंपीएलमा आफ्नो डेब्यू खेलमै उत्कृष्ट प्रदर्शन गर्दै ४ ओभरमा २५ रन दिएर एक विकेट लिएका थिए । उनको बलिङमा विश्वका दुई उत्कृष्ट ब्याट्सम्यान विराट कोहली र एबी डिभिलियर्सलाई समेत रन बनाउन हम्मेहम्मे पर्यो । दिल्लीले आफ्नो १२ औँ खेलमा मात्र सन्दीपलाई टिम ११ मा ठाउँ दिएको थियो ।

सन्दीपको उत्कृष्ट प्रदर्शनका कारण दिल्लीले चेन्नई सुपर किंग्सविरुद्ध पनि उतार्ने भएको छ । दिल्लीले सन्दीपले चेन्नईविरुद्धको खेल खेल्ने जनाउँदै उनले शुक्रबार कति विकेट लिन्छन् होला भनेर सोधेको छ ।

सन्दीपले कति विकेट लिन्छन् त्यो त भन्न गाह्रो छ । तर उनले महेन्द्रसिंह धोनी, सुरेश रैना, शेन वाट्सन, रवीन्द्र जडेजा, अम्बाती रायूडु, ड्वेन ब्राभोलगायतका विश्वकै उत्कृष्ट ब्याट्सम्यानलाई बलिङ भने गर्नेछन् । १२ खेलबाट ६ अ‌ंक मात्र बटुल्न सफल दिल्ली प्लेअफबाट बाहिरिइसकेकाे छ । अब उसले चेन्नई र मुम्बई इन्डियन्ससँग मात्र खेल्न बाँकी छ । आशा गरौँ शुक्रबारको खेलमा सन्दीपले उत्कृष्ट बलिङ गर्दै सबैको मन जितून ।

सन्दिप लामिछानेले विश्व ११ बाट खेल्न पाउनुको भित्री कारण यस्तो पो रहेछ

पहिलो समय एक पछि अर्को सफलता हासिल गरि चर्चाको शिखरमा पुगेका नेपाली स्टार स्पिनर सन्दिप लामिछानेले अर्को सफलता हासिल गरेका छन् । वेस्ट इन्डिजसँग दुई हप्तापछि हुने टि-ट्वान्टी अन्तर्राष्ट्रिय म्याचमा आइसिसीको विश्व ११ टोलीमा उनी परेका छन्।

जेठ १७ गते इंग्ल्याण्डको लर्डसमा हुने खेलका लागि आइसिसीले वेस्ट इन्डिजबाहेकका देशबाट खेलाडी छानेको हो। विश्व ११ टिममा सन्दिपको छनोट पनि कम रोचक छैन । वेस्ट इन्डिज बिरुद्ध खेल्ने विश्व ११ टिममा पहिले सन्दिप लामिछानेको नाम थिएन । उनको ठाउँमा बङ्लादेशका अल राउण्डर शाकिब अल हसनले खेल्ने पक्का थियोे । तर अहिले शाकिबले व्यक्तिगत कारणले यो खेल नखेल्ने बताएपछि अाईसिसीले शाकिबको ठाउँमा सन्दिपलाई छनोट गरेको हो ।

सन्दीप खेल्ने विश्व ११ टिमको कप्तानी इंग्ल्याण्डका सीमित ओभरका कप्तान इयोन मोर्गनले गर्नेछन्। टोलीका अन्य सदस्यमा भारतका दिनेश कार्तिक र हार्दिक पाण्डेया, पाकिस्तानका साहिद अफ्रिदी र सोएब मलिक, बंगलादेशका तमिम इक्बाल,श्रीलंकाका थिसरा परेरा, न्यूजिल्याण्ड ल्युक रंकी र मिचेल मेकक्लेनेघन र अफगानिस्तानका रसिद खान छन्। वेस्ट इन्डिजको टोली क्रिश गेल, आन्द्रे रसेल, मार्लोन स्याम्युएल्स, कार्लोस ब्रेथवेट, एविन लेविस, स्याम्युल बद्री लगायत छन्।

‘म वेस्टइन्डिजविरूद्धको खेलमा आइसिसी विश्व ११ का लागि छनौट हुँदा आफूलाई भाग्यमानी ठानेको छु, यो सारा देश र नेपाली क्रिकेट प्रेमीको सम्मान हो। साथै हामीहरू अन्तर्राष्ट्रिय स्तर बनाउँदै गरेको छापको संकेत हो,’ टिममा परेपछि सन्दीपले भनेका छन्, ‘हामीले हुर्कँदै गर्दा टेलिभिजनमा देखेका ‘ट्रेन्ड सेटर’ हरूसँग सँगै अभ्यास गर्ने, एउटै ड्रेसिङ रूममा बस्ने र सँगै खेल्ने अवसरका लागि म प्रतीक्षारत छु। यो मेरा लागि सिक्ने र सुधार गर्ने अवसर हो। र यो अवसरको उपयोग गर्न म प्रतिवद्ध छु।

विभिन्न आँधीले क्यारेबियन राष्ट्रहरूमा क्षति भएका रंगशालाको पुनर्निर्माणका लागि स्रोत जुटाउन खेल आयोजना गरिएको हो। वेस्ट इण्डिज क्यारेबियन क्षेत्रको मुख्य क्रिकेट स्टेडियम गतवर्ष विनाशकारी आँधीले भत्काएपछि यस सहयोगार्थ खेलको अयोजना गरिएका आइसीसीले जनाएको छ । स्टेडियम पुननिर्माणका लागि आइसीसी ११ र वेस्ट इण्डिजको खेल महत्वपूर्ण मानिएको छ ।

विश्व ११ : इयान मोर्गन (कप्तान),सन्दीप लामिछानेले, साहिद अफ्रिदी, रसिद खान, मिचेल म्यालेनघान, सोएब मल्लिक, हार्दिक पाण्ड्या, तमिम इकवाल, दिनेश कार्तिक, थिसारा परेरा र लुक रोची

वेस्ट इन्डिज : कार्लोस ब्राथवेट (कप्तान), क्रिस गेयल, दिनेश रामदिन, रोभमान पोवेल, एन्ड्रयु रसेल, मार्लोन सामुइल्स, सामुइल बद्री, एन्ड्रयु फ्लेचर, रायद इम्रित, इभिन लुइस, एस्ली नर्स, किमो पाउल र केसरिक विलियम्स

Comments

comments