सन्दिप लामिछाने हैन पारस खड्का भए बर्षको उत्कृष्ट खेलाडी




काठमाडौं । नेपाल राष्ट्रिय क्रिकेट टोलीका कप्तान पारस खड्का वर्षको उत्कृष्ट खेलाडी बनेका छन् । उनी ‘एनएसजेएफ पल्सर’वर्षको उत्कृष्ट खेलाडी’ भएका हुन्।

अवार्डका लागि क्रिकेटकै लामिछानेसँगै ब्याडमिन्टनका दीपेश धामी, जुडोका बहादुर श्रेष्ठ, गल्फका टंक बहादुर कार्की मनोनयनमा परेका थिए । यस्तै ब्याडमिन्टनकी शोभा गौचन महिलातर्फ उत्कृष्ट खेलाडी बनेकी छन् । सन्दिप लामिछाने उत्कृष्ट युवा खेलाडी बन्दा क्रिकेटका जगत टमाटाले उत्कृष्ट प्रशिक्षक बने भने टेबलटेनिसका स्यान्टु श्रेष्ठले पिपुल च्वाइस अवार्ड जिते । करण केसीलाई स्पेशल अवार्ड र पूर्वफुटबलर अशोक केसीलाई लाइफ टाइम अचिभमेन्ट अवार्ड दिएकाे छ।

यो पनि पढ्नुस् : खुसिको खबर ! यसकारण सन्दिपले चेन्नाई बिरुद्ध खेल्ने पक्का

आफू उत्कृष्ट घोषित भएपछि पारसले ‘सरप्राइज’ भएको प्रतिक्रिया दिए। ‘सन्दिपले यो अवार्ड पाउनेमा म ढुक्क थिएँ, मैले पाउनु भनेको सरप्राइज हो’, उनले भने। पारसले सबैलाई धन्यवाद दिए।

युवा खेलाडी सन्दीप लामिछाने उत्कृष्ट युवा खेलाडी घोषित भए। युवातर्फ सन्दीप लामिछानेसँगै क्रिकेटकै दीपेन्द्र सिंह ऐरी, फुटबलका दिनेश हेन्जन, जुडोकी मनिता श्रेष्ठ प्रधान र बक्सिङकी पुनम रावल मनोनयनमा परेका थिए। नेपालबाहिर रहेकाले उनको अवार्ड विनोद दासले रिसिभ गरेका छन्।

यसैगरी उत्कृष्ट प्रशिक्षकमा क्रिकेटकै जगत टमाटा घोषित भए। उत्कृष्ट प्रशिक्षकतर्फ क्रिकेटका टमाटा र विनोद दास, फुटबलका छिरिङ लोप्साङ गुरुङ, ब्याडमिन्टनका जयन्त कुमार श्रेष्ठ र बक्सिङका प्रकाश थापामगर मनोनयनमा परेका थिए।

यो पनि पढ्नुस् : न धोनी न कोहली ! केएल राहुलले बनाए अाईपिएलका यस्तो सबै नयाँ रेकर्ड

यस्तै वर्षको उत्कृष्ट महिला खेलाडीमा ब्याडमिन्टनकी शोभा गौचन घोषित भएकी छन्। मनोनयनमा शोभा गौचन, आर्चरीकी ज्ञानु अवाले, बक्सिङकी विमला श्रेष्ठ, फुटबलकी सावित्रा भण्डारी र टेबलटेनिसकी नविता श्रेष्ठ थिए।

कुन विधामा कसलाई अवार्ड

उत्कृष्ट वर्ष पुरुष खेलाडी – पारस खड्का, क्रिकेट
उत्कृष्ट वर्ष महिला खेलाडी – शोभा गौचन, ब्याटमिन्टन
उत्कृष्ट युवा वर्ष खेलाडी- सन्दीप लामिछाने, क्रिकेट
उत्कृष्ट प्रशिक्षक – जगत टमाटा, क्रिकेट
स्पेशल अवार्ड – करण केसी, क्रिकेट
लाइफटाइम एचिभमेन्ट अवार्ड – अशोक केसी, फुटबल
पल्सर पिपुल्स चोइस अवार्ड – स्यान्टु श्रेष्ठ, टेबलटेनिस
पारा एथलेट अवार्ड – हिमाल अर्याल, क्रिकेट

Comments

comments