सन्दिपले दिए कोहलीको बेङ्लोरलाई ठूलो झड्का , यस्तो छ ताजा स्कोर




काठमाडौं । इन्डियन प्रिमियर लिग (आइपीएल) अन्तर्गत अहिले शनराईजर्स हैदरावाद र रोयल च्यालेन्जर्स बैंगलोरबीच खेल भईरहेको छ । खेलमा टस जितेर हैदरावादले पहिलो बलिङ रोजेपछि ब्याटिङमा उत्रिएको बेङ्लोरलाई पहिलो अोभरमा नै सन्दिप शर्माले ठूलो झड्का दिएका छन् । उनले पार्थिब पट्टेललाई मात्र १ रनमा नै अाउट गरे ।

त्यस्तै खेलको पाँचौ अोभरमा कप्तान बिराट कोहलीलाई रासिद खानले १२ रनमा बोल्ड गरे । ताजा अवस्था बेङ्लोरले १३ अोभरमा २ विकेट गुमाएर १३० रन बनाएको छ । बेङ्लोरमा एबि डिभिलर्स र मोईन अलि ब्याटिङ गरिरहेका छन् ।

१२ खेलमा ९ जित सहित १८ अंक बटुल्दै हैदरावादले प्ले अफमा स्थानमा सुरक्षित गरिसकेको छ । उता बिराट कोहलीको बेङ्लोरको लागि भने यो खेल गर या मरको अवस्था रहेको छ । प्लेअफ पुग्न बैंगलोरको लागि यो खेल जित्नैपर्ने दबाब छ। अाज पराजित भए कोहलीको बैंगलोर अाईपिएलबाट बाहिरिनेछ। अहिलेसम्म बेङ्लोरले १२ खेलमा ७ हार तथा ५ जितबाट १० अंक सहित अंक तालिकाको सातौ स्थानमा रहेको छ ।

यता हैदरावाद भने अाफ्नो मजबुद बलिङ सहित मैदानमा उत्रिदै जित हासिल गर्ने दाँउमा रहेको छ । अाज जित हासिल गरे हैदरावादले दोस्रो स्थानमा रहेको चेन्नाईसँगको दुरी झनै फराकिलो बनाउने छ ।

रॉयल चैलेंजर्स बेंगलुरु: विराट कोहली (कप्तान), पार्थिव पटेल (विकेटकीपर), मोईन अली, एबी डिविलियर्स, मंदीप सिंह, कॉलिन डि ग्रैंडहोम, सरफराज खान, टिम साउदी, उमेश यादव, मोहम्मद सिराज र युजवेंद्र चहल.

सनराइजर्स हैदराबाद: केन विलियमसन (कप्तान), एलेक्स हेल्स, शिखर धवन, मनीष पांडे, शाकिब अल हसन, दीपक हुड्डा, श्रीवत्स गोस्वामी (विकेटकीपर), राशिद खान, बासिल थम्पी, सिद्धार्थ कौल र संदीप शर्मा.

Comments

comments