भारतीय क्रिकेटका पूर्व कप्तान राहुल द्रविडले यसरी गरे सन्दिपको प्रशंसा




काठमाडौँ। इण्डियन्स् प्रिमियर लिग (आइपीएल) मा पहिलो प्रवेशमै उत्कृष्ट खेल प्रदर्शन गर्न सफल नेपाली लेग स्पीनर सन्दिप लामिछानेले दिल्ली डेयर डेभिल्स्लाई धन्यवाद व्यक्त गरेका छन्।

उनले आइतबार भएको खेलपछि ट्वीट गर्दै डेयर डेभिल्सलाई धन्यवाद व्यक्त गरेका हुन्। उनले ट्वीट गर्दै भने– मलाई विश्वास गर्दै आइपीएल खेल्न अवसर दिएकोमा म दिल्ली डेयर डेभिल्स्लाई धन्यवाद व्यक्त गर्न चाहान्छु।

उनले ट्वीटमा यो पनि लेखेका छन् कि– ‘आइपिएलका लागि यहाँ रहँदा नयाँ नयाँ कुरा सिक्न र देखाउन पाए। साथै यो यात्रालाई सफल पार्न मेरो साथमा रहेर मलाई सहयोग गर्नुहुने सम्पूर्णलाई धन्यवाद दिन चाहान्छु।’

उनको यस्तो ट्वीटपछि उनलाई बधाई तथा शुभकामना दिनेको ओइरो नै लागेको छ। भारतीय क्रिकेटका पूर्व कप्तान राहुल ड्रभिडले पनि सन्दिप लामिछानेको खेलको प्रशंसा गरेका छन्। सन्दिपको ट्वीटलाई रिप्लाई गर्दै ड्रभिडले भनेका छन्– “तिमीले आइपीएलमा राम्रो खेल प्रदर्शन गर्यौ सन्दिप, आशा राख्दछु कि तिमीलाई छिट्टै अर्को खेलमा देख्न पाउनेछु।”

Comments

comments