दिल्ली सुरवातका खेलमा सन्दिपलाई नखेलाउनुको कारण यस्तो पो रहेछ




काठमाडौँ। दिल्ली डेयर डेभिल्सका कोच रिक्की पोन्टिङले आइपीएलको सुरुवाती ११ खेलमा नेपालका युवा लेग स्पीनर सन्दिप लामिछानेलाई नखेलाउनुको कारण बताउँदै स्पष्टीकरण दिएका छन्। आइतबार दिल्ली डेयर डेभिल्स र मुम्बई इण्डियन्स्बीच भएको खेल सकिएसँगै आयोजित एक पत्रकार सम्मेलनमा उनले सो बारे स्पष्टीकरण दिएका हुन्।

यो पनि पढ्नुस् : अाईपिएलमा सन्दिपले मचाए सनसनी , भारतियहरुले पनि गरे तारिफ ( भिडियो सहित )

उनले सम्मेलनमा सन्दिपको प्रशंसा गर्दै भनेका छन्– ‘सन्दिप निकै प्रताभावान खेलाडी हुन्, त्यो हामीलाई पहिल्यै थाहा थियो। तर कागिसो रबडा, क्रिस मोरिस र ग्लेन म्याक्सवेल जस्ता अनुभवी खेलाडीलाई सुरुवाती खेलमै बाहिर राखेर सन्दिपलाई मैदानमा खेलाउनु निकै गाह्रो परेको थियो।’

सन्दिपलाई आइपीएलमा डेयर डेभिल्सले सुरुवाती ११ खेलसम्म मैदान बाहिर नै राखेको थियो। यस्तै पत्रकार सम्मेलनमा कोच पोन्टिङले आइपीएलमा अब सन्दिपको लामो एंव सफल करियर होस् भन्ने आशा गरेको बताए।

यो पनि पढ्नुस् : सन्दिपको तारिफमा दिल्लीका कोच रिकी पोन्टिङले दिए यस्तो हैरान गर्ने प्रतिक्रिया

सन्दिप लामिछानेले तीन खेल मध्ये आइतबार भएको अन्तिम खेलमा झनै उत्कृष्ट खेल प्रर्दशन गरे। अघिल्लो दुई म्याचमा उनले एक–एक विकेट लिएका थिए । तर हिजोको खेलमा सन्दिपले आफ्नो जादु चलाउँदै तीन विकेट लिन सफल भएका थिए।

Comments

comments