काठमाडौंको गौरीघाटबाटै यसरी पक्राउ परेका थिए गोरे ( भिडियो सहित )




काठमाडौं । सुन तस्करी तथा हत्या अभियोग लागेका चुडामणि उप्रेती ‘गोरे’ अन्ततः पक्राउ परेका छन् । आज (मंगलबार) सुन तस्करी तथा शनम शाक्य हत्याको छानबिन गर्न गृह मन्त्रालयका सहसचिवको नेतृत्वमा गठित समितिले उनलाई पत्रकार सम्मेलन मार्फत सार्वजनिक गरेको हाे ।

मंगलबार बिहान साढे पाँच बजेतिर उनी बस्दै अाएकाे क्षेत्र काठमाडौंको गौरिघाटबाटै उनलार्इ पक्राउ गरिएकाे सम्मेलनमा जानकारी दिइयो । शनम हत्या र सुन तस्करी प्रकरणकाे मुद्दामा बहस जारी रहेकाेले थप अनुसन्धानका लागि उनलार्इ मोरङ जिल्ला अदालतमा उपस्थित गराउने तयारी रहेकाे समेत जानकारी दिइयाे ।

उनीविरुद्ध ३८ क्विन्टल सुन तस्करी गरेको आरोप लागेको छ । केही समयअघि विमानस्थलबाट बरामद ३३ किलो सुन हराएपछि खुल्दै गएको सुन तस्करीको रहस्यमा उनी नै तस्करीका मुख्य नाइके रहेको बताइन्छ । सुन ओसारपसारमा प्रयोग गरेका मोरङका शनम शाक्यको हत्यामा मुख्य अभियुक्त समेत रहेका गोरे पछिल्लो समय फरार थिए ।

गोरेलाई आजै जिल्ला अदालत मोरङमा पेश गरिने

तस्करीको ३३ किलो सुन र सनम शाक्य हत्या काण्डका मुख्यअभियुक्त चुडामणि शर्मा ‘गोरे’ लाई प्रहरीले सार्वजनिक गरेको छ। गृह मन्त्रालयले बनाएको छानबिन समितिले मंगलबार दिउँसो पत्रकार सम्मेलन गरेर गोरेलाई सार्वजनिक गरेको हो। मन्त्रालयमा आयोजित पत्रकार सम्मलेनमा समिति संयोजक सहसचिव ईश्वर पौडेलले उनलाई आजै जिल्ला अदालत मोरङमा पेश गरिने जानकारी दिए।

‘मुख्य अभियुक्त भएकाले उनलाई आजै अदालतमा पेश गर्छौं,’ संयोजक पौडेलले भने, ‘सुन तस्करी जेरीजस्तै जेलिएको छ। हामीले थप सूचना पनि पाएका छौं। त्यसको अनुसन्धान जारी राख्छौं।’ पौडेलले गोरेलाई काठमाडौंको गौरीघाटबाट मंगलबार बिहान पक्राउ गरिएको बताए।

Comments

comments