आत्तिएकी गर्भवतीलाई सुरक्षित सुत्केरी गराएर बचाउँदा डाक्टरलाई भयो ठूलो पछुतो




काठमाडौं : अस्पतालमा आत्तिँदै एक सुत्केरी महिला पुगिन् । डाक्टरले तत्कालै ती महिलालाई सुरक्षित सुत्केरी गराए । महिलाले सुरक्षित रुपमा बच्चा जन्माइन् । त्यसपछि बिरामी र परिवार शान्त भए । अचानक ती महिलाको रिपोर्ट हेरेपछि भने डाक्टरकै सातोपुत्लो उडेको छ ।

भारतको उत्तर प्रदेशको कन्नोज जिल्लामा यस्तो घटना भएको हो । शनिबार राती आत्तिँदै अस्पताल पुगेकी महिलालाई सुरक्षित सुत्केरी गराउँदा डाक्टरलाई ठूलो आपत परेको छ । यहाँको राजकीय मेडिकल कलेज प्रशासनका अनुसार ती महिला राती १० बजे प्रसव वेदनाले आत्तिँदै अस्पताल पुगेकी थिइन् । उनलाई तत्काल अपरेशन थिएटर लगियो । त्यहाँ उनले एक बच्चालाई जन्म दिइन् ।

जब डाक्टरले ती महिलाको रिपोर्ट कार्ड हेरे त्यसपछि भने डाक्टरकै सातोपुत्लो उड्यो । ती महिला एचआइभी संक्रमित थिइन् । सामान्यतया एचआइभी संक्रमित महिलालाई गर्भवती हुनै दिइन्न । यदि उनी गर्भवती भइहालेमा बच्चालाई संक्रमण भए नभएको जाँच गरिन्छ । बच्चा संक्रमित नभए बच्चालाई बचाउने प्रयास गरिन्छ । यस्ता गर्भवतीलाई सामान्य तरिकाले सुत्केरी पनि गराइन्न । तर त्यहाँ डाक्टरले कुनै सामान्य गर्भवती जस्तै ती महिलालाई सुत्केरी बनाएपछि अस्पतालको अपरेशन थिएटर नै बन्द गर्नुपर्यो ।

रिपोर्ट देख्नासाथ त्यहाँको स्त्री तथा प्रसूती वार्डका सबै बिरामीलाई बाहिर निकालियो । त्यहाँ कुनै पनि बिरामीलाई आउन रोक लगाइयो । महिलालाई तुरुन्त हायस सेन्टर पठाइयो । डाक्टरले घटनाको जानकारी प्रशासनलाई दिए । लगत्तै रातीबाटै अपरेशन थिएटरका उपकरणको सफाइ र फेर्नुपर्ने उपकरण फेर्ने काम सुरु गरियो । त्यहाँका सबै उपकरण सफाइ वा फेर्नुपर्ने भएकोले अस्पतालको अपरेशन थिएटर नै बन्द छ ।

Comments

comments