यस्ता छन् ग्लोबल टी-२० क्यानडा लिगमा सन्दीपका मोन्ट्रिइल टाइगर्सका स्टार टीममेट




काठमाडौं  : नेपाली युवा क्रिकेटर सन्दीप लामिछानेले क्यानडाको पहिलो फ्रेन्चाइजी प्रतियोगिता ग्लोबल टी-२० क्यानडा लिग खेल्ने भएका छन्। क्रिकेट क्यानडाको अायोजनामा अागामी जुन २८ तारिखबाट सुरु हुने प्रतियोगितामा उनलार्इ छैटौं राउण्डमा मोन्ट्रिइल टाइगर्स टीमले खरिद गरेको हो। यद्दपी अाधिकारिक रुपमा रकम भने खुलाइएको छैन्।

६ टोलीको सहभागिता रहेको प्रतियोगिता टोरन्टो स्थित माप्ले लिफ क्रिकेट क्लबको मैदानमा हुँदैछ। अाइसीसीबाट मान्यता प्राप्त यस प्रतियोगिताका मार्की प्लेयरका रुपमा शाहिद अफ्रिदी, डुवेन ब्रावो, क्रिस गेल, लसिथ मलिंगा, क्रिस लेन, सुनिल नारायण, डेभिड मिलर, लसिथ मलिंगा, अन्ड्रे रसेल, डरेन सामी, स्टिभ स्मिथ रहेका छन्।

यसमध्ये श्रीलंकाका तीव्रगतिका बलर लासिथ मलिंगा र वेस्ट इन्डिजका अलराउण्डर सुनिल नारायण मार्की प्लेयर रहेको मोन्ट्रिइल टाइगर्समा सन्दीप अनुबन्ध भएका हुन्। टोलीमा उनीहरुसँगै श्रीलंकाकै थिसारा पेरेरा, पाकिस्तानका मोहम्मद हाफिज, वेस्ट–इन्डिजका दिनेश रामदिन, जिम्बावेका सिकन्दर राजालगायत खेलाडी छन्।

मलिंगा

तीव्रगतिका बलर मलिंगा श्रीलंकाका पूर्व एक दिवसीय र टी-२० टोलीका कप्तान समेत हुन्। डेथ अोभरमा बलिङ फाल्ने उनको मुख्य विशेषता योर्कर थियो। टी-२० का उनी विश्वकालिन महान बलरमध्येका एक हुन्।

विश्वकपमा दुर्इवटा ह्याट्रिक लिने उनी एक्ला खेलाडी हुन्। साथै अन्तराष्ट्रिय खेलको लगातार चार बलमा चार विकेट लिने पनि उनी एक्ला खेलाडी हुन्। उनको बलिङ स्पिड १ सय ४० प्रतिघन्टासम्म थियो।

पाकिस्तानका शाहिद अफ्रिदीपछि टी-२०मा सर्बाधिक विकेट लिने दोस्रो खेलाडी मलिंगा हुन्। श्रीलंकाले २०१४ को टी-२० विश्वकप जित्दा त्यसका कप्तान मलिंगा थिए। जुन विश्वकप नेपालले पनि खेलेको थियो। उनले २००७ र २०११ को एकदिवसीय विश्वकप पनि खेले। अन्तिम पटक २०१६ सम्म पनि श्रीलंकन टी-२० टोलीको कप्तानी गरेका मलिंगा त्यसपछि भने लगातार घाइते भएपछि टोलीमा पुनरागमन गर्न संघर्ष गरिरहेका छन्।

सुनिल नारायण

वेष्ट इन्डिजका सुनिल अफ स्पिनर बलर हुन्। तर, पछिल्लो समय अलराउण्डर बनेका उनी केही अघिमात्रै सकिएको अाइपीएलको म्यान अफ द टुर्नामेन्ट थिए। कोलकता नाइट राइडर्सलार्इ सेमिफाइनल सम्म पुर्याउन उनको भूमिका महत्वपूर्ण थियो।

सन् २०११ देखि वेष्ट इन्डिजको टोलीबाट उनी खेल्दै अाएका छन्। उनी टी-२० अन्तराष्ट्रियमा पूर्व एक नम्बर बलर पनि हुन्। जादुयी बलरका रुपमा चिनिने उनको बलिङ एक्सन अबैधानिक ठहरिएपछि २०१५ उनी प्रतिबन्धमा परेका थिए। सन् २०१६ अप्रिलमा उनले अाफ्नो बलिङ एक्सन सुधारेपछि पुन: अन्तराष्ट्रिय क्रिकेटमा देखिन थालेका छन्।

थिसरा परेरा

परेराले पनि श्रीलंकाको टी-२० टोलीको कप्तानी गरिसकेका छन्। बलिङ अलराउण्डर उनी डेथ अोभरमा ठूला सटहरु हिर्काउन माहिर खेलाडी मानिन्छन्। २०१३ मा दक्षिण अफ्रिकाका रोबिन पिटरसनको एकै अोभरमा उनले ३५ रन हिर्काएका थिए। जसमा पाँच छक्का, एक चौका र १ वाइड सामेल थियो। जुन एक दिवसीयको इतिहासमा एकै अोभरमा दोस्रो सर्बाधिक स्कोर पनि हो। श्रीलंकाले २०१४ को टी-२० जित्दा परेरापनि त्यस टीममा सामेल थिए। एक दिवसीय र टी-२० अन्तराष्ट्रियमा पनि उनले ह्याट्रिक लिएका छन्।

मोहम्मद हफिज

क्रिकेटका महान अलराउण्डर मध्येका एक हफिज पाकिस्तानी टी-२० टोलीका पूर्व कप्तान समेत हुन्। उनी बलिङ र ब्याटिङ दुबैमा अोपनिङ गर्थे। २०१२ र २०१३ मा टी-२० मा उनी विश्वकै उत्कृष्ट अलराउण्डरको सुचीमा शीर्ष स्थानमा रहे।

अोपनिङ गरेपनि अाक्रामक ब्याटिङ उनको विशेषता थियो। उनले नासिर जमसेदसँग मिलेर गरेको २२४ रनको अोपनिङ पार्टनरसीप अहिलेसम्मकै कीर्तिमानी पार्टनरसीप हो। बलरका रुपमा उनी कम इकोनोमिकर बन्ने र छिटो अाफ्नो अोभर सकाउने बलरका रुपमा प्रख्यात छन्। २०१४ मा उनको पनि बलिङ एक्सन अवैधानिक पाइएपछि उनलार्इ बलिङ गर्न प्रतिबन्ध लगाइएको थियो।

दिनेश रामदिन

रामदिन राइड हेन्डेड विकेटकिपर ब्याट्सम्यान हुन्। २००५ मै उनले टेस्ट र एक दिवसीयमा डेब्यू गरेका थिए। वेस्टइन्डिजको विकेट किपर ब्याट्सम्यानका रुपमा एकै इनिङमा १ सय ६९ रन प्रहार गर्ने कीर्तिमान उनको नाममा छ।

सन् २०१० मा उनको केन्द्रीय सम्झौता रिन्यू गरिएन भने टोलीमा पनि पारिएको थिएन् तर २०११ मा पुन: उनलार्इ वेस्ट इन्डिजको टोलीमा बोलाइयो। २०१४ मा उनी वेस्ट इन्डिज टोलीका टेस्ट कप्तान पनि भएका थिए। टोलीको प्रशिक्षकमा टम मड्डी छन्। उनी यसअघि श्रीलंकल राष्ट्रिय टोली र अाइपीएलमा सनराइजर्स हैदरावादका प्रशिक्षक रहीसकेका हुन्।

सन्दीपको करिअर

सन् २०१४ मा तत्कालिन नेपाली राष्ट्रिय टोलीका प्रशिक्षक पुबुदु दासानायकेले सन्दीपलार्इ चितवनमा देखेपछि यू-१६ राष्ट्रिय टोलीमा मौका दिएका थिए। सन् २०१६ मा भएको अाइसीसी यू-१९ विश्वकपमा सन्दीपले ह्याट्रिकय सहित १६ विकेट लिएपछि चर्चामा अाएका थिए।

सोही वर्ष नेपाली टोलीले एेतिहासिक लर्डस मैदानमा एसीसीसँग नेपाल र बेलायतको दैत्यसम्बन्ध दुर्इ वर्ष पूरा भएको उपलक्ष्यमा मैत्रीपूर्ण खेल खेलको थियो। उक्त खेलमा नेपालले एमसीसीसँग ४१ रनको जित हात पार्दा सन्दीपले १ विकेट पनि लिएका थिए।

गत फेब्रुअरीमा नामिबियामा भएको अाइसीसी विश्व क्रिकेट लिग डिभिजन २ मा सन्दीप १७ विकेट लिदै म्यान अफ द सीरिज चुनिएका थिए। त्यसपछि मार्चमा भएको अाइसीसी विश्वकप छनोटमा उनले नेपाली टोलीबाट १३ विकेट लिए। उक्त प्रतियोगिताबाट नेपालले एक दिवसीय अन्तराष्ट्रिय मान्यता पाएको थियो।

दिल्ली डेयरडेभिल्सले अक्सनबाट २० लाख भारतीय रुपैयाँमा खरिद गरेपछि इण्डियन प्रिमियर लिग(अाइपीएल) खेल्ने उनी पहिलो नेपाली खेलाडी बनेका थिए। अाइपीएलमा तीन खेल खेल्दै उनले ५ विकेट लिएका थिए।

२०७४ मा सन्दीप अाइपीएलसँगै क्यारेवियन प्रिमियर लिग (सीपीएल)मा आबद्ध भएका थिए। २०७४ सालमा मात्रै उनले विभिन्न प्रतियोगिताहरुमा कुल ८४ विकेट लिए छन्। सोहीवर्ष भएको आईसीसी एसिया यू–१९ विश्वकप छनोटमा मात्रै उनले २४ विकेट लिदैं म्यान अफ द सीरिजको उपाधि हात पारेका थिए।

त्यसपछि विश्व-११ को टोलीबाट वेष्ट इन्डिजविरुद्ध लर्डसमा खेलेका सन्दीप अाइतबार क्यानेडियन लिगमा छनोट भएका हुन्। क्रिकेट क्यानडाको अायोजनामा हुने यस प्रतियोगितालार्इ अाइसीसीको समेत मान्यता रहेको छ।

Comments

comments