यी हुन् वेस्ट इन्डिज विरुद्ध सन्दिपले बनाएका ७ गजबको रेकर्डहरु ( भिडियो सहित )




काठमाडौं । नेपालका सन्दीप लामिछाने सम्मिलित विश्व–११ टोलीलाई मैत्रीपूर्ण ट्वेन्टी ट्वेन्टी क्रिकेट खेलमा वेस्ट इन्डिजले ७२ रनले पराजित गरेको छ । यो खेलमा उनले ७ वटा नयाँ रेकर्ड बनाएका छन् ।

१. यो खेलसँगै सन्दिप आइसीसी विश्व ११ टिमबाट खेल्ने पहिलो एसोसिएट क्रिकेटर बनेका छन् । यसअघि अहिलेसम्म कुनै पनि विश्व ११ टिमबाट कुनै पनि एसोसिएट टिमका खेलाडी खेलेका छैनन् । सन्दिप विश्व ११ बाट खेल्ने पहिलो र एकमात्र एसोसिएट खेलाडी हुन् ।

२. यो खेलसँगै सन्दिप एउटै खेलमा ८ टेष्ट मान्यता प्राप्त टिमका राष्ट्रिय खेलाडीसँग खेल्ने एकमात्र नेपाली खेलाडी बनेका छन् । हिजोको खेलमा सन्दिपले वेष्ट इण्डिजसँगै भारत, पाकिस्तान, इङल्याण्ड, न्यूजिल्याण्ड, बंगलादेश, अफगानिस्तान र श्रीलंकाका राष्ट्रिय खेलाडीहरुसँगै खेलेका छन् ।

३. सन्दिप आफ्नो टि–२० अन्तर्राष्ट्रिय डेब्यू क्रिकेटको घर मानिने लर्डस मैदानबाट गर्ने एकमात्र भाग्यशाली खेलाडी बनेका छन् । यसअघि कुनै पनि नेपाली खेलाडीले यो सफलता पाउन सकेका छैनन् ।

४. सन्दिप क्रिकेटको घर लर्डसमा दोस्रो पटक खेल्न पाउने भाग्यशाली समेत बनेका छन् । यसअघि नेपालले २०१६ मा लर्डसमा मेरिलेबोन क्रिकेट क्लवविरुद्ध टि–२० खेलेको थियो । त्यसपछि दोस्रो पटक लर्डसमा खेल्ने नेपाली सन्दिप मात्र हुन् । हेर्नुस् भिडियो

५. सन्दिप लर्डसमा अन्तर्राष्ट्रिय खेल खेल्ने पहिलो नेपाली पनि बनेका छन् । यसअघि लेपालको राष्ट्रिय टिमले लर्डसमा खेलेको खेल अन्तर्राष्ट्रिय थिएन । आजको मितिमा सन्दिप लर्डसमा अन्तर्राष्ट्रिय खेल खेल्ने एकमात्र नेपाली हुन् ।

६. सन्दिप कुनै पनि देशको राष्ट्रिय टिमका लागि नखेली टि–२० अन्तर्राष्ट्रिय डेब्यू गर्ने पहिलो खेलाडी बनेका छन् । यसअघि कुनै पनि खेलाडीले कुनै देशको राष्ट्रिय टिमबाहेक अन्यत्रबाट टि–२० अन्तर्राष्ट्रिय डेब्यू गरेका छैनन् ।

७. सन्दिपले विश्वकप फाइनलका म्यान अफ द म्याचको कप्तानीमा खेल्ने सौभाग्य समेत पाएका छन् । विश्वकप विजेता कप्तानको प्रशिक्षणमा आइपिएल खेल्न पाएका सन्दिपले २००९ टि–२० विश्वकप फाइनलका म्यान अफ द म्याच शाहिद आफ्रिदीको कप्तानीमा खेलेसँगै अर्को ‘माइलस्टोन’ पार गरेका छन् । यो सौभाग्य अहिलेसम्म कुनै नेपाली खेलाडीले पाएका छैनन् ।

Comments

comments