प्रधानमन्त्री कप क्रिकेटको उपाधि सशस्त्र प्रहरीलाई, त्रिभूवन आर्मी ६ विकेटले पराजित




काठमाडौँ । त्रिभूवन आर्मीलाई हराउँदै सशस्त्र प्रहरीले प्रधानमन्त्री कप एक दिवशीय क्रिकेट प्रतियोगिताको उपाधि जितेको छ ।कीर्तिपुर स्थित टियु मैदानमा भएको खेलमा एपीएफल प्रतिद्वन्द्वी आर्मीलाई ६ विकेटले पराजित गर्दै उपाधि उचालेको थियो । टस जितेर ब्याटिङ गर्ने निर्णय गरेको आर्मीका खेलाडी एपीएफका बलरको दबाबमा परे ।

फलस्वरुप ५० ओभरमा सबै विकेट गुमाउँदै आर्मीले २ सय ९ रन बनाएको थियो । आर्मीले दिएको २ सय १० रनको लक्ष्य पछ्याउने क्रममा अनिल शाह र प्रदिप ऐरीले समान ६३–६३ रनको योगदान दिएका थिए ।

प्रदिप ऐरी र अनिल शाहले १ सय ३८ रनको साझेदारीले जित सुनिश्चित गराउन सफल भएको थियो । एपीएफले ४१ दशमलव २ ओभरमा विजय लक्ष्य भेट्टाएको थियो । जितसँगै सशस्त्र प्रहरीले २० लाख तथा आर्मीले १० लाख रुपैयाँ पुरस्कार पाएको छ ।

Comments

comments