यी हुन इंग्ल्याण्ड र बेल्जियमबीचको आज हुने खेल हेर्नैपर्ने पाँच कारणहरु




काठमाडौं : २०१८ फिफा विश्वकप फुटबल प्रतियोगिताको तेस्रो स्थानका लागि आज राति पौने ८ बजे इंग्ल्यान्ड र बेल्जियमबीच प्रतिस्पर्धा हुँदैछ। यसअघि भएको सेमिफाइनलमा बेल्जियमलाई फ्रान्सले र इंग्ल्यान्डलाई क्रोएसियाले पराजित गरेका थिए।

बेल्जियम तेस्रो स्थान हात पार्दै इतिहासकै ठूलो उपलब्धि हात पार्न चाहान्छ। यसअघि सन् १९८६ मा सेमिफाइनलमा पुगेको बेल्जियम सेमिफाइनल र तेस्रो स्थानको दुवै खेलमा पराजित भएको थियो। युवा टिम इंग्ल्यान्डका लागि पनि तेस्रो स्थानको खेल महत्वपूर्ण छ। युवा खेलाडीलाई आगामी प्रतियोगितामा आत्मविश्वास बढाउन इंग्ल्यान्ड जितका लागि खेल्नेछ।

जारी विश्वकपमा बेल्जियम र फ्रान्स एकै समूहमा परेका थिए। सुरुवाती २ खेलमा जित हात पारेपछि दुई टिम समूह विजेताका लागि प्रतिस्पर्धा गरेका थिए। खेलमा बेल्जियमले इंग्ल्यान्डलाई १–० गोलले पराजित गरेको थियो। खेलमा दुवै टिमले पहिलो रोजाइका खेलाडीलाई आराम दिएका थिए।

यस्ता पाँच कारण छन् जसका कारण तपाईले अाजकाे खेल हेर्नुपर्छ:

१) गोल्डनबुटको प्रतिस्पर्धा

इंग्ल्याण्डको विश्वकपको उपाधि उचाल्ने सपना टुंग्गिसक्यो। तर, कप्तान ह्यारी केनको भने गोल्डन बुट जित्दै इंग्ल्याण्डलाई सान्त्वना उपहार दिन सक्छन्। उनी ६ गोलसहित अहिले जारी विश्वकपको सर्बाधिक गोलकर्ता हुन्। जसले उनलाई निकटतम् प्रतिद्वन्द्वी बेल्जियमका रामेलु लुकाकुभन्दा दुई गोल अघि उभ्याएको छ।

यो प्रतिस्पर्धामा फ्रान्सका एन्टिनियो ग्रिजम्यान र केलियन एम्बाप्पे (समान ३–३ गोल) पनि छन्। आइतबार फाइनलमा चम्के भने उनीहरुले केनलाई पछि पार्न सक्छन्। तर, सम्भवतः आजको खेलले गोल्डन बुट विजेताको टुंगो लगाउनेछ।

२) पछिल्लो उत्कृष्ट नतिजा उछिन्ने मौका

१९६६ मा विश्वकप जितेपछि इंग्ल्याण्डको विश्वकपमा सबैभन्दा राम्रो नतिजा १९९० मा आएको थियो। त्यसबेला इटालीसँग २–१ ले पराजित हुँदै टोली चौथो बनेको थियो। आज गेराथ साउथगेटको टोलीलाई २८ वर्षअघिको विश्वकपको राम्रो नतिजालाई उछिन्ने मौका छ।

बेल्जियमलाई पनि आज त्यस्तै मौका छ। बेल्जियमको पनि पछिल्लो पटक विश्वकपमा उत्कृष्ट नतिजा भनेको १९८६ को विश्वकपमा चौथो हुनु हो। ३२ वर्षपछि स्वर्णिम पुस्ता मानिएको बेल्जियमका खेलाडीहरुलाई आज उक्त नतिजा उछिन्ने मौका छ।

३) बदला लिने मौका

समूह चरणमा इंग्ल्याण्ड र बेल्जियम दुई हप्ता अघिमात्रै प्रतिस्पर्धा गरेका थिए। समूह जीको अन्तिम खेलमा इंग्ल्याण्डलाई १–० ले पराजित गर्दै बेल्जियम समूह विजेता बनेको थियो। आजको खेलमा इंग्ल्याण्डले जित हात पारेमा विश्वको उत्कृष्ट तेस्रो टोली बन्दै बदला लिनेछ।

यता इंग्ल्याण्डसँग २२ खेल खेलिसकदा पनि १५ वटा खेलमा हार २ वटामात्रै जित निकाल्न सकेको बेल्जियमका लागि जितको संख्या थप्ने मौका छ।

४) तेस्रो स्थानका लागि भएको प्रतिस्पर्धात्मक र रोमाञ्चक खेलको इतिहास

विश्वकपमा तेस्रो स्थानका लागि हुने प्रतिस्पर्धा निकै प्रतिस्पर्धात्मक र रोमाञ्चक बनेको छन्। पछिल्ला १० विश्वकपको यस स्थानका लागि भएका खेलमा औषत चार गोल भएको इतिहास छ।

एउटा कारण, प्रशिक्षकहरुले तेस्रो स्थानका लागि हुने खेलमा विश्वकपका बाँकी खेलमा खेल्न नपाएका खेलाडीहरुलाई मौका दिने गरेका छन्। तिनीहरुले या त खराब प्रदर्शन गर्दै विपक्षी टोलीलाई गोल गर्ने मौका दिन्छन् या त अन्तिम खेलमा मौका पाएकाले उत्कृष्ट प्रदर्शन गर्दै स्टार बन्ने मौका छोप्छन्।

५) अब टोलीलाई विश्वकपमा चारवर्षपछि देखिनेछ

सेमिफाइनलमा दुबै टोली पराजित भएसँगै रुस विश्वकपमा यो दुबै देशको अन्तिम प्रतिस्पर्धा हो। २०२२ मा कतारमा हुने विश्वकप खेल्न पुनः टोलीहरुले छनोट खेल्नुपर्नेछ। यदि छनोटमा सफल भए विश्वकपका आफ्नो देशलाई हेर्न चार वर्ष कुर्नुपर्ने छ भने कथंनकदाचित छनोट हुन नसके अझै लामो समय कुर्नुपर्नेछ। त्यसैले आफूले समर्थन गरेको देशको अन्तिम खेल हेर्न नछुटाउनुहोस्।

सम्भावित टिम

बेल्जियम : थिबाउट कोउटिइस, जान भेर्टोघेन, भिसेन्ट कोम्पनी, थोमस भर्माइलेन, टोबी एन्डरवारेल्ड, यानिक कारास्को, एक्सेल विस्टेल, केभिन डे ब्रुइन, नासेस चाड्ली, इडिन हजार्ड, रोमेलु लुकाकु

इंग्ल्यान्ड : जोर्डन पिकफोर्ड, केल वाकर, जोन स्टोन्स, ह्यारी म्यागियुर, केइरन ट्रेइपियर, डेल अली, जोर्डन हेन्डर्सन, जिसे लिङगार्ड, एस्ले योङ, रहिम स्टलिङ, ह्यारी केन

Comments

comments