सत्याग्रह जारी रहन्छ – डा.केसीले अस्पतालको बेडबाटै भने




सरकारले आफूलाई मात्र नभएर ३ करोड नेपाली जनतालाई धोका दिएको डा.केसीले जिकिर गरे। आइतबार आइसियूबाट वार्डमा सारिएपछि सञ्चारकर्मीसँग बोल्दै उनले सो कुरा बताएका हुन्। चिकित्सा शिक्षा विधेयकमा आफूसँग भएको सहमतिअनुसार व्यवस्था हुनुपर्ने लगायत माग राखेर १२ दिनदेखि अनसनरत डाक्टर गोविन्द केसीले माग पूरा नहुञ्जेल सत्याग्रह जारी रहने बताएका छन्।शीर्षस्थ नेताहरूले लुटेको कालो धन सेतो गर्नलाई ३ करोड जनतालाई धोका दिएको केसीको आरोप छ। ‘सरकारले हाम्रो अभियानलाई धोका दिएको होइन’,उनले भने, ‘३ करोड नेपाली जनतालाई धोका दिएको हो।’

उनले पछिल्लो मागसँगै आफ्नो अर्को माग पनि अगाडि सारेका छन्। उनले द्वन्द्वकालमा मानवता विरोधी अपराध गर्नेलाई अन्तर्राष्ट्रिय कानुनअनुसार कारबाही हुनुपर्ने माग अगाडि सारेका हुन्।

Comments

comments