हिन्दु मन्दिरमा प्रवेश – परिवारबाट परित्याग




भारतको दक्षिणी राज्य केरलाको सावारिमाला मन्दिरमा प्रवेश गरेकै कारण आफ्नी सासुद्वारा वेस्सरी पिटिए यता १५ जनवरी देखि ३९ वर्षिया कानाकादुर्गा अस्पतालमा रहेकी छिन् ।  रजश्वलाको उमेरका अर्थात १० देखि ५० वर्ष उमेरका महिलाहरुलाई परम्पराग रुपमा सो मन्दिरको प्रवेशमा रोक लगाउँदै आएको थियो । गत वर्षको सेप्टेम्वरमा मात्र भारतको सवोच्च अदालतले सो परम्परा विरुद्ध फैसला सुनाएको थियो । फलत हजारौं पुरातनवादी हिन्दुहरुले व्यापक विरोध प्रदर्शन गरेका थिए । अदालतको त्यो ऐतिहासिक निर्णयपछि थुप्रै महिलाहरुले मनिदरमा प्रवेश गर्ने प्रयास गरेका थिए । तर आक्रोसित भिडले तिनीहरुलाई पटक पटक रोक्दै आएके थियो । तर गत २ जनवरीमा विन्दु आमिनी नामक अर्की महिलासंगै कानाकादुर्गा सो मन्दिरमा प्रवेश गर्न सफल भएकी थिइन्।                                                                                                                                                                            सामाजिक अभियन्ता थान्काचान भिथायातिलले विविसि हिन्दीका पत्रकार इमरान कुरेसीलाई लाई बताएका छन्, ‘ सोमवार साँझ अस्पतलाबाट कानाकादुर्गा घर फर्किद्या घरमा ताल्चा लगाइएको थियो । उनका पति र दुईछोरा लगायत परिवारको कुनै पनि सदस्य त्यहाँ थिएनन् । प्रहरीको सहयोगमा उनलाई एउटा सरकारी आवासमा बस्ने व्यवस्था मिलाइएको छ । सोधपुछका लागि प्रहरी चौकीमा ल्याइएका उनका पति कृष्णान उननीले आफले उनलाई घरमा राख्न नचाहेको बताएका थिए । प्रहरीले भने अब उनकी सासु विरुद्ध घरेलु महिला हिंसाको अभियोगमा मुद्धा चलाइने बताएको छ ।

Comments

comments