जाजरकोटमा बस दुर्घटना हुँदा ३ जनाको मृत्यु, ५ घाइते




जाजरकोट । जाजरकोटमा यात्रुबाहक बस दुर्घटना हुँदा ३ जनाको घटनास्थलमै मृत्यु भएको छ भने ५ जना गम्भिर घाइते भएका छन्।

बिहिबार बेलुकी नेपालगञ्जबाट जाजरकोटको राडी भन्ने ठाउँमा जाँदै गरेको भे १ ख १३२९ नंको बस सिम्ला गाउँपालिका नजिकै साँझ साढे करिब ६ बजे तिर दुर्घटना भएको जाजरकोटमा बस दुर्घटना हुँदा ३ जनाको मृत्यु, ५ घाइते जिल्ला प्रहरी कार्यालय जाजरकोटले जनाएको छ।

जिल्ला प्रहरी कार्यालय जाजरकोटका प्रहरी नायब निरीक्षक राम बहादुर सिंहका अनुसार बसमा एकीन कति जना थिए भन्ने जानकारी पुगेको छैन। पानी पर्दा सडक चिफ्लो भएका कारण दुर्घटना भएको हुनसक्ने आशंका गरिएको छ।

उद्धार कार्यका लागि नेपाली सेना, नेपाल प्रहरी, सशस्त्र प्रहरी तथा स्थानीयहरु खटेको उनले बताए।

Comments

comments