बलिउड फिल्मको अफर र जान्ह्वी कपुरबारे अनमोलको खुलासा




काठमाडौं । नेपाली सिनेमा क्षेत्रका लोकप्रिय नायक अनमोल केसीलाई फिल्ममा महंगो पारिश्रृमिक दिएर फिल्ममा कास्ट गर्न चाहाने निर्माता निर्देशकहरु कम छैनन् । भारतमा नेपालको चर्चित नायकको रुपमा समेत समाचार बनिसकेका उनलाई केही दिन अघिमात्र उनलाई बलिउड फिल्मको अफर आएको खबर बाहिरिएको थियो । उनलाई हालै रिलिज भएको ‘द म्यान फ्रम काठमाण्डु’ का निर्देशक पेमा धोन्डुपले निर्देशन गर्न लागेको बलिउड फिल्मको अफर अनमोललाई पुगेको खबर थियो । यसलाई कतिले उडाए त कतिले पत्याए । यसबारेमा भने अनमोलले स्पष्टीकरण दिएका छन् ।

क्यूएफएक्स सिनेमाज् प्रमुख एवं निर्माता नकिम उद्दिनले फिल्मको बारेमा आफुसंग कुरा गरेको स्पष्ट पारे । उनले फिल्मको स्क्रिप्ट हेरेपछि मात्र काम गर्ने वा नगर्ने भन्ने बारेमा निर्णय लिने बताए । एक अन्तरवार्ताको क्रममा भने “बलिउड फिल्म भन्ने बित्तिकै हाम फाल्दिन । राम्रो स्क्रिप्ट तयार पारेर आउनु भयो भने मात्र म काम गर्छु” ।

फिल्मका लागि उनलाई ७० देखि ८० लाखसम्म पारिश्रमिक दिन निर्माण टिम तयार भएको र नायिकामा धडक फेम जान्ह्वी कपुर हुने बताईएको थियो । यसबारेमा उनी भन्छन् “पारिश्रृमिक र जुन नायिकाको नाम मेन्सन भएको छ त्यो चाही गलत हो । मिटिङ बसेर फाईनल भएपछि जानकारी दिन हाल्छौँ” ।

त्यसो त यसअघि पनि अनमोललाई बलिउड फिल्मको अफर नआएको होईन । केही समय अगाडीमात्र भारतको चर्चित म्युजिक कम्पनी “वल्डवाईड रिकाड्र्स” ले निर्माण गर्न लागेको भनिएको एक बलिउड फिल्ममा उनी अनुबन्धित भएका थिए तर उक्त प्रोजेक्ट भने सुरु हुन सकेको छैन । अनमोलले उक्त प्रोजेक्ट हाल पेन्डिङमा रहेको बताए । अनमोल यतिबेला ए मेरो हजुर ३ को प्रमोसनमा व्यस्त रहेका छन् । जुन फिल्म चैत्र २९ मा रिलिज हुँदैछ ।

Comments

comments