युभेन्टस हारबाट जाेगियाे, रोनाल्डोकाे ६०० गाेल पूरा




एजेन्सी । इटालियन सिरी ‘ए’ फुटबल अन्तरत शनिबार राति भएको खेलमा युभेन्टस हारबाट जोगिएको छ । ५ खेलअगावै लिग च्याम्पियन बनिसकेको युभेन्टस इन्टर मिलानसँग १–१ गोलको बराबरीमा रोकिएको हो । युभेन्टसलाई हारबाट जोगाउनका लागि सुपरस्टार क्रिस्टियानो रोनाल्डोले गोल गरे ।

इन्टर मिलानले घरेलु मैदानमा भएको खेलमा इन्टर मिलानले खेल शुरु भएको सातौ मिनेटमा नै अग्रता लिएको थियो । माटियो पोलिटानोको पासमा राज्दा नेइङगोलानको उत्कृष्ट गोल गर्दै इन्टर मिलानलाई अग्रता दिलाएका थिए ।

पहिलो हालमा १-० गोलको अग्रता लिएको इन्टर मिलानले दोस्रो हाफमा त्यो अग्रता जोगाउन सकेन । रोनाल्डोले ६२ औं मिनेटमा गोल गर्दै खेल १/१ को बाराबरीमा ल्याए । मिरालेम प्यानिचको पासमा रोनाल्डोले गोल गरे । रोनाल्डोको यो करियरकै ६०० औं गोल पनि हो ।

त्यसपछि थप गोल हुन नसक्दा खेल १–१ गोलको बरारीमा सकियो । बराबरीसँगै युभेन्टसको ३४ खेलबाड ८८ अंक पुगेको छ । इन्टर मिलान समान खेलबाटै ६२ अंक जोडेर तेस्रो स्थानमा छ । नेपोली ६७ अंकसहित दोस्रो स्थानमा छ ।

Comments

comments