बिश्वकप अघि पाकिस्तानलाई लाग्यो यति ठुलो झड्का




काठमाडौं, जेठ ३ । एकदिवसीय विश्वकप क्रिकेटको मुखैमा पाकिस्तानलाई ठूलो धक्का लागेको छ । इमाम उल हक इंग्ल्याण्ड विरुद्धको एकदिवसीय सिरिजको चौथो खेलमामा घाइते भएपछि पाकिस्तानलाई ठूलो धक्का लागेको हो । खेलका क्रममा ओपनिङ ब्याट्सम्यान इममाको कुइनामा चोट लागेको छ । ताजा जानकारी अनुसार एक्सरेका लागि उनलाई अस्पताल लगिएको छ ।

उनको चोट कति गम्भीर हो भन्नेबारे विस्तृत रिपोर्ट आउन बाँकी छ । उनी मार्क उडको बलमा घाइते भएका हुन् । त्यसबेला इमाम १३ बलमा ३ रन बनाएर खेलिरहेका थिए । जारी सिरिजको तेस्रो खेलमा उनले १५१ रन प्रहार गर्दै कम उमेरमा शतक प्रहार गर्ने भारतीय क्रिकेट टिमका पूवकप्तान कपिल देवको रेकर्ड तोडेका थिए ।

२३ वर्षीय इमाम विश्वकपका लागि छनौट भइसकेका छन् । उनी टिमका महत्वपूर्ण सदस्य हुन् । यदि इमाम विश्वकप शुरु हुँदासम्म फिट नभए पाकिस्तानलाई ठूलो झड्का लाग्ने अनुमान गरिएको छ ।

यस्तो छ पाकिस्तानी टोली

सर्फराज अहमेद (कप्तान), बाबर आजम, फखर जमान, हरिस सोहिल, हसन अली,इमाद वासिम, इमाम उल, जुनिद खान, मोहमद हाफिज, मोहमद हसन, शादब खान, शाहिन साह अफ्रिदी, शोयब मल्लिक, आसिफ अलि र मोहम्मद अमिर।

Comments

comments