शो को बन्छ करोडपतिमा रबि लामिछानेले जिते यति ठुलो रकम ( भिडियो सहित )




काठमाडौं : चर्चित सञ्चारकर्मी रवि लामिछाने भर्खरै मात्र परम्परागतरुपमा निकिता पौडेलसंग बिवाह गरिसकेका छन् । औपचारिकरुपमा बिवाह गरिसकेपछि उनलाई बधाई तथा शुभकामनाको ओहिरो लागिरहेको छ । यसबीचमा रवि लामिछाने नेपालको चर्चित रियालिटी शो को बन्छ करोडपतिमा सहभागी बनेका छन् ।

कार्यक्रममा उनले १२ औँ प्रश्नमा आएर खेल छोडेका थिए । ११ औँ प्रश्नको सही जवाफ दिएर ६ लाख ४० हजार जितेका उनले १२ औँ प्रश्नको जवाफ दिन सकेनन् । उनको लागि १२ औँ प्रश्न थियो काठमाडौँमा सवारीसाधनलाई कहिलेबाट हर्न बजाउँन निषेध गरिएको हो ?

यस प्रश्नको जवाफमा द्धविधा भएपछि उनले खेल छोडेका थिए । उनले ११ औँ प्रश्नसम्म खेल खेलेर जितेको उक्त रकम कालिकोटमा राष्कोट सामुदायिक अस्पताल निर्माणका लागि सहयोग गर्ने घोषणा गरे । उनले कार्यक्रममा सहभागी हुँदै गर्दा नै राष्कोट सामुदायिक अस्पताल निर्माणका लागि केही सहयोग हुन्छ की भनेर पनि कार्यक्रममा भाग लिन आएको बताएका थिए । उनले जितेको रकममा श्री स्टिल प्राईभेट लिमिटेडले थप ३ लाख २० हजार र पुष्पतारा केडिया फाउन्डेशनले पनि सोही बराबरको थप रकम सहयोग गरेको थियो ।

यसरी उनले को बन्छ करोडपतिबाट १२ लाख ८० हजार रकम अस्पतालका लागि जुटाएका छन् ।अस्पताल निर्माणका प्रमूख अभियान्ता समेत रहेका रवि सहभागी भएको उक्त कार्यक्रमलाई धेरै दर्शकहरुले टेलिभिजनमार्फत हेरेका थिए भने युट्युवमा समेत राखिएको भिडियो ७ लाख भन्दा बढिले हेरिसकेका छन् । उता रविकै संलग्नतामा निर्माण भईरहेको राष्कोट सामुदायिक अस्पतालको काम पनि तिव्र गतिमा चलिरहेको छ । जहाँका बासिन्दाहरु अस्पताल बन्न लागेसंगै नजिकै स्वास्थ्य सेवा पाउँने भएपछि दंग छन् । भिडियो सहित

Comments

comments