फिफा बरियतामा नेपाल ४ स्थान तल झर्‍यो , शिर्ष स्थानमा कुन ?




काठमाडौं । विश्व फुटबल महासंघ फिफाको नयाँ वरियतामा नेपाल चार स्थान तल झरेको छ । फिफाले सार्वजनिक गरेको सूचिमा नेपाल ४ स्थान तल झर्दै १ सय ६५ औं स्थानमा आईपुगेको छ । जबकी नेपाल यसअघि १ सय ६१ औं स्थानमा रहेको थियो । यसै महिनामात्रै नेपालले २ वटा मैत्रीपुर्ण खेल खेलेको थियो । जसमा नेपाल एक खेलमा बराबरी र एक खेलमा हार ब्यहोरेको थियो ।

नेपालले मलेसिया र चाईनिज ताईपेइसंग मैत्रीपूर्ण खेल खेलेको थियो । नयाँ बरियता अनुसार नेपाल दक्षिण एसियाली स्तरमा तेस्रो स्थानमा रहेको छ । नेपाल भन्दा माथि भारत १ सय १ र माल्दिभ्स १ सय ५१ औं स्थानमा रहेको छ । नेपाल भन्दा तल बंगलादेश १ सय ८३ औं, भुटान १ सय ८६ औं, श्रीलंका २ सय १ र पाकिस्तान २ सय ३ औं स्थानमा रहेको छ ।

यता बेल्जियम विश्व वरियतामा शिर्ष स्थानमा रहेको छ भने फ्रान्स दोस्रो, ब्राजिल तेस्रो, ईङ्ल्याण्ड चौंथो र पोर्चुगल पाँचौ स्थानमामा रहेका छन् ।

Comments

comments