सरकारै ढाल्ने सम्म चेतावनी आएपछि र चौतर्फी बिरोध भएपछि गुठी विधेयकमा पछि हट्यो सरकार




काठमाडौं । सरकारले गुठी व्यवस्थापन गर्न भन्दै ल्याएको विधेयकको देशभर आलोचना भयो । गुठी विधेयक पारित भए सरकारै ढाल्ने सम्म चेतावनी आएपछि र चौतर्फी बिरोध भएपछि प्रधानमन्त्रीले गुठी विधेयक परिमार्जन गर्न निर्देशन दिएका छन् । प्रधानमन्त्री युरोप भ्रमणपछि स्वदेश फिर्त भएसंगै विधेयक परिमार्जन गर्न निर्देशन दिएका हुन् ।

प्रधानमन्त्री ओलीले भूमि, व्यवस्था सहकारी तथा गरिवी निवारण मन्त्री पद्मकुमारी अर्याललाई विधेयक परिमार्जन गर्न निर्देशन दिएका हुन् । प्रधानमन्त्रीले हिजोमात्र स्वदेश फिर्ता भएपछि संचारकर्मीसंग बोल्दै नेका थिए “बिरोधको भावनाले जनता भड्काउन खोज्नु हुँदैन, अब जनता भड्किदैनन् पनि ।

कमजोरी भयो भने सरकारले सच्याइहाल्छ नि । यो जनताकै सरकार हो, जनताप्रति प्रतिवद्ध भएर काम गर्छ ।” “हाम्रो संस्कृति र परम्परासँग जोडिएका गुठीहरुको विषयमा कुरा बेग्लै हुन्छ, सरकारले जे आवश्यकता पर्छ त्यो गर्छ, सरकार जनताको हितमा नै काम गर्छ ।”

मन्त्री अर्यालले गत बैशाख १६ गते राज गुठी, निजी गुठी र सार्वजनिक गुठीलाई व्यवस्थित गर्न विद्यमान गुठी सम्बन्धी कानुनलाई एकीकरण र संशोधन गर्न बनेको विधेयक–२०७५ राष्ट्रिय सभामा दर्ता गरेकी थिइन् । यता सरकारले विधेयक दर्ता गरेपछि बिषेशगरी राजधानीमा व्यापक प्रर्दशन भएको थियो ।

गुठी विधेयक ल्याएर नेपालको परम्परा , संस्कृती र मौलिकतामा नै धावा बोल्ने काम गरेको र गुटी व्यवस्थापनको नाममा भूमाफिया मोस्न विधेयक ल्याएको भन्दै राजधानीमा बिषेशगरी दिनहुँ बिरोध प्रर्दशन हुँदै आएको छ । साथै कांग्रेससंगै विभिन्न राजनीतिक दल , विभिन्न संघसंस्था लगायतका पूर्व राजा ज्ञानेन्द्र शाहले समेत गुठी विधेयकको आलोचना गरेका थिए ।

Comments

comments