२५ लाख बीमा रकम हात पार्ने लोभमा बाबुले मारे आफ्नै ४ वर्षीया छाेरी




रौतहट । मानिस पैसाका लागि कति सम्म क्रुर बन्न सक्छ, पछिल्लो उदाहरण बनेको छ- रौतहटको एक घटना । २५ लाख बीमा रकम हात पार्ने लोभमा एक बाबुले आफ्नै नाबालिका छोरीको हत्या गरेका छन् । रौतहटको मौलापुर नगरपालिका ६ पथराबुधरामका ३९ वर्षीय रामकिशोर यादवले ४ वर्षीया छोरी लक्ष्मी राय यादवको घाँटी थिचेर हत्या गरेका हुन् ।

यादवले गत १६ गते घरमा कुटपिट गरी छोरीको हत्या गरी शव नजिकैको पोखरीमा फालेका थिए । हत्यापछि उनले छोरी हराएको भन्दै गुहार मागेका थिए अन्ततः १७ गते छोरी लक्ष्मीको शव पोखरीमा भेटिएको थियो । प्रहरीले नाबालिका लक्ष्मीको शव फेला परेपछि अनुसन्धानको क्रममा स्वयम् लक्ष्मीकै बाबुले बीमाको रकम हात पार्न उनको हत्या गरेको पत्ता लगाएकाे हो ।

रामकिशोरले कान्छी छोरी लक्ष्मीको एक महिना अघिमात्र स्थानीय प्रभु बैंकमा जीवन बीमा गराएका थिए । एक दिन उनलाइ कसैले भनिदियाे कि जीवन बीमा गर्दा बिमकको बीमा गरिएको एक महिनाभित्र मृत्यु भएमा बीमा रकम दोब्बर फिर्ता हुन्छ। जिल्ला प्रहरी कार्यालय रौतहटमा शुक्रबार आयोजित पत्रकार सम्मेलनलाई सम्बोधन गर्दै रौतहट प्रहरीले यादवले छिट्टै ठूलो रकम हात पार्ने लोभमा नाबालिका छोरीको हत्या गरेको अनुशन्धानमा खुल्न आएको जानकारी दिएको छ ।

नियन्त्रणमा लिइएका यादवलाई जिल्ला प्रहरी कार्यालय रौतहटबाट मुलुकी अपराधसंहिता २०७४ को ज्यानसम्बन्धी कसुरअन्तर्गत मुद्दा दर्ता गरेर जिल्ला अदालत रौतहटबाट ५ दिनको म्याद थप गरी अनुसन्धान अघि बढाइएको छ ।

Comments

comments