भारत र न्युजिल्याण्डबिचको खेलमा पानी पर्ने सम्भावना धेरै , बर्षाले खेल हुन नसके भारत फाईनलमा पुग्ने




एजेन्सी । इङ्ल्यान्ड र वेल्समा जारी १२ औं संस्करणको विश्वकप क्रिकेटमा पहिलो सेमिफाइनल खेलको लागि भोलि दिउँसो भारत र न्युजिल्यान्ड भिड्दैछन् । जसरी समुह चरणमा यी दुवै विरुद्धको खेल वर्षाको कारणले रद्ध हुन पुगेको थियो । त्यसैगरी भोलि हुने खेल पनि वर्षाको कारणले अवरुद्ध हुन सक्ने अनुमान गरिएको छ ।

मौसम एजेन्सी ‘एक्युवेदर डट कम’का अनुसार भोलि खेल हुने स्थान म्यानचेस्टरमा पानी पर्ने सम्भावना ६० प्रतिशत छ । यदी भोलि वर्षाको कारणले खेल अवरुद्ध भएमा सेमिफाइनल खेल पर्सि हुनेछ । तर, उक्त मौसम विभागका अनुसार नै पर्सी बुधवार पनि पानी पर्ने सम्भावना ६५ प्रतिशत रहेको बताएको छ ।

यदी वर्षाकै कारणले दुई दिन खेल हुन नसकेमा बिना टस खेल रद्ध हुनेछ र बढी अंक भएकोले भारत फाइनलमा पुग्नेछ । समुह चरणको खेलमा भारतले ९ खेलमा ७ खेल जितेको थियो भने एक खेलमा पराजित भएको थियो त्यस्तै एक खेल वर्षाका कारण रद्ध भएको थियो । यता न्युजिल्यान्ड भने ९ खेलमा ५ खेल जित र ३ खेलमा पराजित भएको थियो त। एक खेल भने वर्षाका कारणले रद्ध भएको थियो ।

राखेप सदस्यसचिवमा रमेश सिलवाल नियुक्त, लिए शपथ

राष्ट्रिय खेलकुद परिषद् (राखेप)को सदस्यसचिवमा रमेश सिलवाल नियुक्त भएका छन् । युवा तथा खेलकुदमन्त्री जगतबहादुर सुनार विश्वकर्माले सोमबार सिलवाललाई सदस्यसचिवमा नियुक्त गरेका हुन् । सिलवाललाई सोमबारै खेलकुद मन्त्रालयमा आयोजित एक कार्यक्रमकाबीच मन्त्री विश्वकर्माले पद तथा गोपनीयताको शपथ खुवाएका छन् ।

निवर्तमान सदस्यसचिव केशवकुमार विष्टको चारवर्षे कार्यकाल असार ९ गते पूरा भएपछि रिक्त पदमा सिलवाललाई नियुक्त गरिएको हो । सिलवाललाई पहिला राष्ट्रिय खेलकुद संघको तर्फबाट रिक्त कोटामा परिषद् सदस्यमा नियुक्त गरेपछि सदस्यसचिवको जिम्मेवारी तोकिएको हो ।

सिलवाललाई आइतबार नेपाल भलिबल संघले राखेपको बोर्ड सदस्य नियुक्तिका लागि सिफारिस गरेको थियो । संघहरुको प्रतिनिधित्व गर्दै परिषद्मा नियुक्ति लिएका राखेपका निर्वतमान सदस्यसचिव विष्ट र सदस्य राजेन्द्र श्रेष्ठको पदावधि सकिएपछि दुई पद रिक्त थियो ।

सिलवाल यसअघि विष्ट नेतृत्वको परिषद्बाट गठित नेपाल क्रिकेट संघ (क्यान)को तदर्थ समितिको अध्यक्ष थिए । सिलवाल पूर्वक्यान उपाध्यक्ष पनि हुन् ।

उनी मदन भण्डारी स्पोर्ट्स फाउन्डेसनका संस्थापक अध्यक्षसमेत हुन् ।गोल्डेनगेट कलेजका ‘सीइओ’ उनी उच्च माध्यामिक विद्यालयहरुको संस्था ‘हिसान’को अध्यक्षसमेत भएका थिए ।

Share Tweet

Comments

comments