कलंकीमा बाढीले ग्यास पसल बगायो, ग्यास सिलिण्डर समात्न जाँदा एक जना बेपत्ता




काठमाडौं । अबिरल वर्षाका कारण काठमाडौं र ललितपुरमा आएको बाढी पहिरोमा परी हालसम्म चार जनाको मृत्यु भएको छ ।

काठमाडौंको मूलपानी र ललितपुरको बागमती नगरपालिका–३ मा गरी चार जनाको मृत्यु भएको हो । काठमाडौंको मुलपानीमा घरको पर्खाल भत्किँदा एकै परिवारका तीनजनाको मृत्यु भएको हो । मृत्यु हुनेमा ३५ वर्षीया सर्मिला यादव, २० वर्षीया निलु यादव र कुन्दन यादव छन् । एकै परिवारका उनीहरु मजदुरी गर्दै गुजारा गर्दै आएका थिए ।

महानगरीय प्रहरी वृत वौद्धका डीएसपी नरेन्द्र चन्दका अनुसार बलराम खत्रीको पक्की घरको पर्खाल भत्किएर टहरामा खस्दा उनीहरुको ज्यान गएको हो । यसैगरी, महानगरीय प्रहरी परिसर ललितपुरका अनुसार बागमती–३ का ११ वर्षीय सरोज तामाङको पहिरोमा पुरिएर मृत्यु भएको हो ।

यस्तै, कलंकीको बल्खु खोलामा बगेर आएको ग्यास सिलिण्डर समात्न बाढीमा हाम्फालेका विनोद चौधरी बेपत्ता भएका छन् । उनको खोजी भइरहेको प्रहरीले जनाएको छ । कलंकी खोलामा आएको बाढी बस्तीमा पसेको थियो ।

Comments

comments