विम्बल्डन टेनिसकाे उपाधि नोभाक जोकोविचले जिते




काठमाडाैँ । रोजर फेडेररलाई पराजित गर्दै साबिक विजेता नोभाक जोकोविचले विम्बल्डन टेसिन उपाधि जितेका छन् । जोकोविक र फेडेररको फाइनल खेल निकै लामो समय चल्यो । उपाधि जित्न जोकोविकले ४ घण्टा ५७ मिनेट संघर्ष गर्नु परेको थियो । विम्बल्डनको इतिहासकै सबैभन्दा लामो फाइनल हो ।

जोकोविचले फेडेररलाई ७–६ (७–५), १–६, ७–६ (७–४) ४–६ र १३–१२ (७–३) को सेटमा पराजित गरेर पाँचौँ पटक विम्बल्डन च्याम्पियन बनेका हुन् । जोकोविचले हालसम्म १६ वटा ग्राण्डसलाम उपाधि जितेका छन् र उनले पछिल्ला पाँच मध्ये चार ग्राण्डसलाम प्रतिस्पर्धा जितेका छन् । ३७ वर्षका फेडेरर कीर्तिमानी नवौँ विम्बल्डन उपाधिका लागि प्रतिस्पर्धा गरेका थिए ।

 

Comments

comments