नेपाललाई विश्वकपसम्म पुर्याउने पुबुदुले अमेरिकाको मुख्य प्रशिक्षकले दिए राजीनामा, यस्तो छ कारण




काठमाडौं। अमेरिकाको क्रिकेट टिमका मुख्य प्रशिक्षक पुबुदु दासानायकेले राजिनामा दिएका छन् । नेपाललाई २०१४ को टि-२० विश्वकपसम्म पुरयाउने कोच दासानायके अहिले अमेरिकाका कोच थिए । अमेरिकाको कोचको रुपमा उनलेकेही महिनाअघि अमेरिकालाई एकदिवसीय क्रिकेटको मान्यता दिलाएका थिए ।

नेपाली क्रिकेट टिमको हकमा उनी अहिलेसम्मकै सबैभन्दा सफल कोच हुन् । नेपाली टिमलाई विश्वकप खेल्न योग्य बनाउने मात्र नभइ नेपाली सनसनी बलर सन्दिप लामिछानेको प्रतिभा चिनेर उनलाई राष्ट्रिय टिममा ल्याउने पनि उनै दासानायके हुन् । अमेरिका क्रिकेट बोर्डसँग असमझदारी बढेसँगै प्रशिक्षक दसानायकेले राजिनामा दिएको मिडिया रिपोर्टमा उल्लेख छ ।

नेपालका पूर्व प्रशिक्षक समेत रहेका दसानायकेले सन् २०१६ बाट अमेरिकाको टिम हेरेका थिए । दसानायकेले अमेरिकालाई डिभिजन–४ बाट आईसीसीको एकदिवसीय अन्तराष्ट्रिय मान्यता दिलाउन सफल भएका थिए । नामिबियामा भएको डिभिजन–२ बाट अमेरिकाले एकदिवसीय मान्यता पाएको थियो ।

अमेरिका क्रिकेट बोर्डले हालै भारतका पूर्व विकेट किपर किरण मोरलाई टेक्निकल डिरेक्टर बनाएको थियो । यस्तै प्रभिन अमरे, सुनिल जोशी, जेम्स पाम्मेन्ट र डेभिड सकेरलाई सहायक प्रशिक्षकमा नियुक्त गरेको थियो ।

Comments

comments