नेपालको जनसंख्याभन्दा दोब्वर सीमकार्ड प्रयोग, ४ करोड ११ लाख सीम चलायमान




काठमाडौं । नेपालको जनसंख्याभन्दा दोब्वर बढी दुरसञ्चार सुविधा प्रयोग भइरहेको छ । २०६८ सालको जनगणनाअनुसार नेपालको जनसंख्या २ करोड ६४ लाख छ ।

सन् २०३१ सम्म नेपालको जनसंख्या २ करोड ९५ लाख पुग्ने अनुमान पनि गरिएको छ । तर नेपालमा ४ करोड ११ लाख १० सीम कार्ड प्रयोग भइरहेका छन् । नेपालको जनसंख्या भन्दा दोब्वर बढी दुरसञ्चार सुविधा उपभोग भइरहेको छ ।

पछिल्लो तथ्यांकअनुसार ४ करोड ११ लाख १० ले भ्वाइ सेवा, १ करोड ९० लाखले डेटा सेवा लिइरहेका छन् । विदेशमा रहेका नेपाली बाहेक हरेक एक नेपालीसँग दुई सीम कार्ड र टेलिफोन सुविधा रहेको छ ।

विभिन्न सेवा प्रदायक कम्पनीहरुको होडबाजीका कारण नेपालको जनसंख्याभन्दा दोब्वर दुरसञ्चार सेवाका प्रयोगकर्ता बढेका हुन् । १३९ प्रतिशत दुरसञ्चार सेवा पुगेको नेपाल दुरसञ्चार प्राधिकरणले जनाएको छ । मासिक डेढ लाखभन्दा बढीले सीम कार्ड खरिद गर्ने गरेका छन् ।

Comments

comments