कोउटिन्होलाई जर्मन क्लब बार्यनले अनुबन्धन गर्ने, आजै जर्मनीका उड्ने !




एजेन्सी । स्पेनिस क्लब बार्सिलोनाका ब्राजिलियन मिडफिल्डर फिलिपे कोउटिन्होलाई जर्मन क्लब बार्यन म्युनिखले अनुबन्धन गर्ने भएको छ । अन्तराष्ट्रय सञ्चारमाध्यमको अनुसार बार्सिलोनाले कौटिन्होलाई एक वर्षका लागि लोनमा बायर्न पठाएको हो । उनी अर्को वर्ष बायर्नमै स्थायी हुन सक्नेछ ।

कोउटिन्हो र बार्यनबीच सम्झौता भइसकेको तर घोषणा हुन मात्रै बाँकी रहेको दुवै क्लबका अधिकारीले पुष्टि गरेका छन् । कोउटिन्हो शनिबारै जर्मनीका उड्ने बताइएको छ । ला लिगाअन्तर्गत सिजनको पहिलो खेल बार्सिलोनाले एथ्लेटिक बिल्बाओविरुद्ध खेल्ने टोलीमा कोउटिन्होलाई राखिएको थिएन ।

बार्यन जाने पक्का भएपछि उनी टोलीबाहिर राखेको बताइएको छ । उनी दर्शक दीर्घामा रहेर खेल हेरेका थिए । उनको मेडिकल परिक्षण आइतबार या सोमबार हुन सक्ते बताइएको छ ।  शुक्रबार राति भएको खेलमा बार्सिलोना बिल्वाओसँग १–० ले पराजित भएको भएको थियो ।

Comments

comments